ന്യൂഡല്ഹി: നരേന്ദ്രമോദി സര്ക്കാരിന്റെ അവസാന ബജറ്റ് കേന്ദ്ര ധനമന്ത്രിയുടെ ചുമതല വഹിക്കുന്ന പീയൂഷ് ഗോയൽ ഇന്ന് അവതരിപ്പിക്കും.ലോക്സഭാ തിരഞ്ഞെടുപ്പിന് മുന്നോടിയായുള്ള ഇടക്കാല ബജറ്റിൽ മധ്യവര്ഗത്തിനും കര്ഷകര്ക്കും ഇളവുകള് ഉണ്ടാകുമെന്നാണ് പ്രതീക്ഷിക്കുന്നത്. ധനമന്ത്രി അരുണ് ജെയ്റ്റ്ലി ചികിത്സക്കായി യുഎസിൽ പോയതിനെ തുടര്ന്നാണ് പീയൂഷ് ഗോയൽ ചുമതല ഏറ്റെടുത്തത്. കേന്ദ്ര സര്ക്കാര് നേരിടുന്ന വെല്ലുവിളികളെ മറികടക്കാൻ ബജറ്റിൽ വൻ പ്രഖ്യാപനങ്ങളുണ്ടാകും. ഇക്കാര്യം അരുണ് ജെയ്റ്റ്ലി വ്യക്തമാക്കിയിരുന്നു.
ആദായ നികുതി കണക്കാക്കുന്നതിനുള്ള അടിസ്ഥാന വരുമാന പരിധി ഉയര്ത്തുമെന്ന അഭ്യൂഹങ്ങള് ഉണ്ട്. നിലവിലെ 2.5 ലക്ഷത്തിൽ നിന്ന് 5 ലക്ഷം വരെയെങ്കിലും ഉയര്ത്താൻ ബജറ്റ് ചര്ച്ചകളിൽ അഭിപ്രായം ഉയര്ന്നിരുന്നു. അതോടൊപ്പം കോര്പ്പറേറ്റുകളുടെ നിരന്തര ആവശ്യമായ നികുതിയിളവും സര്ക്കാര് പരിഗണനയിലുണ്ട്.
ആദായ നികുതി കണക്കാക്കുന്നതിനുള്ള അടിസ്ഥാന വരുമാന പരിധി ഉയര്ത്തുമെന്ന അഭ്യൂഹങ്ങള് ഉണ്ട്. നിലവിലെ 2.5 ലക്ഷത്തിൽ നിന്ന് 5 ലക്ഷം വരെയെങ്കിലും ഉയര്ത്താൻ ബജറ്റ് ചര്ച്ചകളിൽ അഭിപ്രായം ഉയര്ന്നിരുന്നു. അതോടൊപ്പം കോര്പ്പറേറ്റുകളുടെ നിരന്തര ആവശ്യമായ നികുതിയിളവും സര്ക്കാര് പരിഗണനയിലുണ്ട്.