പഞ്ചാബിലേത് ചരിത്രപരമായ വിഡ്ഢിത്തം; കെജ്രിവാളിനെതിരെ ഭഗവന്ത് മൻ

ന്യൂഡൽഹി: ഡൽഹി മുൻസിപ്പൽ കോർപ്പറേഷൻ തെരഞ്ഞെടുപ്പിൽ പരാജയപ്പെട്ട ആം ആദ്മി പാർട്ടിയെ പരിഹസിച്ച് പാർട്ടി എം പി ഭഗവന്ത് മൻ. പഞ്ചാബ് നിയമസഭ തെരഞ്ഞെടുപ്പിലെ തോൽവിയിൽ നിന്ന് പാഠം പഠിക്കണമായിരുന്നു എന്നും വോട്ടിങ് യന്ത്രങ്ങളെ കുറ്റപ്പെടുത്തുന്നതിനു പകരം പാർട്ടിക്കുള്ളിലെ തെറ്റുകൾ കണ്ടെത്തുന്നതിനുള്ള സമയമാണ് ഇതെന്നും അദ്ദേഹം പറഞ്ഞു.

പഞ്ചാബിലെ തോൽവിക്ക് സീറ്റു വിഭജനം മുതലുള്ള കാരണങ്ങളുണ്ട്. കൂടാതെ, പാർട്ടിയിലെ മറ്റു പല തീരുമാനങ്ങളും തോൽവിക്ക് കാരണമായി. മൂന്നു വർഷം മാത്രം പ്രായമുള്ള പാർട്ടിയിൽ നിന്ന് യോഗേന്ദ്ര യാദവിൻ്റെ നേതൃത്വത്തിൽ സ്വരാജ് അഭയാൻ എന്നൊരു പാർട്ടിയും സുച സിങിൻ്റെ നേതൃത്വത്തിൽ അപ്ന പഞ്ചാബ് പാർട്ടിയും രൂപം കൊണ്ടു. ഇതുതന്നെ പാർട്ടിയിൽ തെറ്റായി എന്തോ ഉണ്ടെന്നുള്ളതിന് തെളിയിക്കുന്നതാണെന്നും ഭഗവന്ത് മൻ പറഞ്ഞു.

ക്യാപ്റ്റൻ ഇല്ലാതെ കുട്ടികൾ ക്രിക്കറ്റ് കളിക്കുന്നതു പോലെ ആയിരുന്നു പഞ്ചാബിൽ എ എ പി തെരഞ്ഞെടുപ്പിനെ നേരിട്ടത്. ഇഷ്ടമുള്ളവർ ബാറ്റു ചെയ്യുകയും ബോൾ ചെയ്യുകയും ചെയ്തു. എന്നാൽ, അരവിന്ദ് കെജ്രിവാൾ അല്ലെങ്കിൽ മറ്റൊരാൾ മുഖ്യമന്ത്രി സ്ഥാനാർത്ഥി ആയിരുന്നെങ്കിൽ അത് കൂടുതൽ നന്നാകുമായിരുന്നു എന്നും അദ്ദേഹം പറഞ്ഞു. പഞ്ചാബിലെ തെരഞ്ഞെടുപ്പു നയം ചരിത്രപരമായ വിഡ്ഢിത്തം ആയിരുന്നെന്നും അദ്ദേഹം പറഞ്ഞു.

Find faults within party, not EVMs: Bhagwant Mann speaks out

"Instead of finding faults with EVMs+ , it is time to start finding faults in the party," Bhagwant Mann said.