ഹെൽമറ്റ് ധരിക്കാത്തതിന് പിഴ ചുമത്തി; യുവാവ് ബൈക്ക് മറിച്ചിട്ടു, പിന്നെ പൊട്ടിക്കരഞ്ഞു
ഹെൽമറ്റ് ധരിക്കാത്തതിന് പിഴ ചുമത്തിയതാണ് യുവാവിനെ പ്രകോപിപ്പിച്ചത്. ബൈക്ക് തകർക്കാൻ ശ്രമിച്ച യുവാവ് പിന്നീട് മുഖം പൊത്തിപ്പിടിച്ച് പൊട്ടിക്കരയുകയും ചെയ്തു. മീററ്റിലെ തിരക്കുള്ള റോഡിലാണ് സംഭവം.
Samayam Malayalam 30 Nov 2019, 6:05 pm
ഹൈലൈറ്റ്:
- ഉത്തർപ്രദേശിലെ മീററ്റിലാണ് സംഭവം.
- പിഴ ചുമത്തിയതോടെയാണ് യുവാവ് പ്രകോപിതനായത്.
- ബൈക്ക് റോഡിൽ മറിച്ചിട്ട ശേഷം യുവാവ് പൊട്ടിക്കരയുകയായിരുന്നു.
ഉത്തർപ്രദേശ്: ഹെൽമറ്റ് ധരിക്കാത്തതിനെ തുടർന്ന് പോലീസ് പിഴ ചുമത്തിയതിൽ പ്രകോപിതനായ യുവാവ് നടുറോഡിൽ സ്വന്തം ബൈക്ക് മറിച്ചിട്ടു. ഉത്തരപ്രദേശിലെ മീററ്റിലാണ് സംഭവം. ഇതിൻ്റെ ദൃശ്യങ്ങൾ സമൂഹമാധ്യമങ്ങളിൽ വൈറലാകുകയാണ്. പിഴ ചുമത്തിയതോടെ യുവാവ് പ്രകോപിതനായി തുടർന്ന് ബൈക്ക് റോഡിലേക്ക് തള്ളിമറിച്ചു. തുടർന്ന് ബൈക്കിൽ കയറിയിരുന്ന് ശബ്ദത്തിൽ പൊട്ടിക്കരയുകയും ചെയ്തു.
ബൈക്ക് നശിപ്പിക്കുന്നത് തടയാതിരുന്ന ട്രാഫിക് പൊലീസ് ഉദ്യോഗസ്ഥർ യുവാവ് കരഞ്ഞതോടെ സമീപത്തെത്തി ആശ്വസിപ്പിച്ചു. നഗരത്തിലെ തിരക്കേറിയ റോഡിലാണ് സംഭവം നടന്നത്. യുവാവിൻ്റെ പ്രവർത്തിയിൽ ആദ്യം ഞെട്ടിയ ട്രാഫിൽ പോലീസ് പിന്നീട് ഇയാളുടെ അടുത്തെത്തി തോളിൽ തട്ടി ആശ്വസിപ്പിച്ചു.
യുവാവ് ബൈക്ക് നശിപ്പിക്കുന്ന ദൃശ്യങ്ങൾ സമൂഹമാധ്യമങ്ങളിൽ വൈറലായി. നിരവധി പേർ ചിത്രങ്ങളും വീഡിയോകളും ഷെയർ ചെയ്തു. അതേസമയം, യുവാവിൻ്റെ പേരുവിവരങ്ങൾ വ്യക്തമായിട്ടില്ല.
ബൈക്ക് നശിപ്പിക്കുന്നത് തടയാതിരുന്ന ട്രാഫിക് പൊലീസ് ഉദ്യോഗസ്ഥർ യുവാവ് കരഞ്ഞതോടെ സമീപത്തെത്തി ആശ്വസിപ്പിച്ചു. നഗരത്തിലെ തിരക്കേറിയ റോഡിലാണ് സംഭവം നടന്നത്. യുവാവിൻ്റെ പ്രവർത്തിയിൽ ആദ്യം ഞെട്ടിയ ട്രാഫിൽ പോലീസ് പിന്നീട് ഇയാളുടെ അടുത്തെത്തി തോളിൽ തട്ടി ആശ്വസിപ്പിച്ചു.
യുവാവ് ബൈക്ക് നശിപ്പിക്കുന്ന ദൃശ്യങ്ങൾ സമൂഹമാധ്യമങ്ങളിൽ വൈറലായി. നിരവധി പേർ ചിത്രങ്ങളും വീഡിയോകളും ഷെയർ ചെയ്തു. അതേസമയം, യുവാവിൻ്റെ പേരുവിവരങ്ങൾ വ്യക്തമായിട്ടില്ല.