മുംബൈ ജിഎസ്‍ടി ഓഫീസിന്‍റെ എട്ടാം നിലയില്‍ വന്‍ തീപിടിത്തം

മുംബൈ: മസഗോണിലെ ജിഎസ്‌ടി ഭവനിലുണ്ടായ തീപിടിത്തം നിയന്ത്രണ വിധേയം. ഉച്ചയ്ക്ക് 12. 30 ഓടെ ഉണ്ടായ തീ പിടിത്തത്തിൽ ആർക്കും പരിക്കേറ്റിട്ടില്ല. കെട്ടിടത്തിനുള്ളിൽ ആരും കുടുങ്ങി കിടക്കുന്നില്ലെന്ന്
അഗ്നിശമന സേനാംഗങ്ങൾ അറിയിച്ചു.



ശക്തമായ തീപിടിത്തമാണ് കെട്ടിടത്തിലുണ്ടായത്. തീ പടർന്നതോടെ അഗ്നിശമന സേനാംഗങ്ങൾ സ്ഥലത്ത് എത്തുകയും ആളുകളെ സുരക്ഷിതമായ സ്ഥലത്തേക്ക് മാറ്റുകയുമായിരുന്നു. കെട്ടിടത്തിൻ്റെ ജനാലകളിലൂടെ വലിയ തോതിലുള്ള പുക ഉയർന്നതോടെ പ്രദേശത്ത് ഭീകരമായ അന്തരീക്ഷമായിരുന്നു.


എന്നാൽ തീപിടിത്തത്തിൻ്റെ കാരണം എന്താണെന്ന് വ്യക്തമല്ല. കെട്ടിടത്തിൻ്റെ എട്ടാം നിലയിലാണ് തീ പിടിത്തം ഉണ്ടായത്. മറ്റ് നിലകളിലേക്ക് തീ പടർന്നതോടെ രക്ഷാപ്രവർത്തനം ദുഷ്‌കരമായിരുന്നു. കൂടുതൽ അഗ്നിശമന സേനാംഗങ്ങൾ സ്ഥലത്ത് എത്തിയാണ് തിയണച്ചത്.