ന്യൂഡല്‍ഹി: ഒഡീഷയില്‍ ഫ്‌ളൈ ഓവറില്‍നിന്ന് ബസ് താഴ്ചയിലേക്ക് മറിഞ്ഞ് അഞ്ച് മരണം. 40 പേര്‍ക്ക് പരിക്കേറ്റു. കട്ടക്കില്‍നിന്ന് വൈസ്റ്റ് ബംഗാളിലെ ദിഘയിലേക്ക് അമ്പതോളം യാത്രക്കാരുമായി സർവീസ് നടത്തുകയായിരുന്ന ബസ് ദേശീയപാത 16ലെ ഫ്‌ളൈ ഓവറില്‍നിന്ന് താഴ്ചയിലേക്ക് മറിയുകയായിരുന്നു. ജജ്പുര്‍ ജില്ലയിലെ ബരാബതിക്ക് സമീപമാണ് അപകടം നടന്നത്.
ഡ്രൈവര്‍ മദ്യലഹരിയിലാണെന്ന സംശയത്തിലാണ് അപകടം നേരിൽകണ്ട പ്രദേശവാസികള്‍. എന്നാൽ ഇക്കാര്യത്തിൽ ഔദ്യോഗിക പ്രതികരണമൊന്നും ഉണ്ടായിട്ടില്ല. 'ഞങ്ങൾ അടുത്തുള്ള ബസ് സ്റ്റാൻഡിലായിരുന്നു, ബസ് ഡ്രൈവർ അശ്രദ്ധമായി വാഹനമോടിക്കുകയായിരുന്നു. ഡ്രൈവർ മദ്യപിച്ചിരുന്നെന്നാണ് തോന്നുന്നത്.' പ്രദേശവാസി പറഞ്ഞു.
ഫയർഫോഴ്‌സും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. അപകടത്തില്‍ മരിച്ചവരുടെ കുടുംബങ്ങള്‍ക്ക് സർക്കാർ മൂന്ന് ലക്ഷം രൂപ വീതം നല്‍കുമെന്ന് ഒഡിഷ മുഖ്യമന്ത്രി നവീന്‍ പട്‌നായിക് അറിയിച്ചു.
ഡ്രൈവര്‍ മദ്യലഹരിയിലാണെന്ന സംശയത്തിലാണ് അപകടം നേരിൽകണ്ട പ്രദേശവാസികള്‍. എന്നാൽ ഇക്കാര്യത്തിൽ ഔദ്യോഗിക പ്രതികരണമൊന്നും ഉണ്ടായിട്ടില്ല. 'ഞങ്ങൾ അടുത്തുള്ള ബസ് സ്റ്റാൻഡിലായിരുന്നു, ബസ് ഡ്രൈവർ അശ്രദ്ധമായി വാഹനമോടിക്കുകയായിരുന്നു. ഡ്രൈവർ മദ്യപിച്ചിരുന്നെന്നാണ് തോന്നുന്നത്.' പ്രദേശവാസി പറഞ്ഞു.
ഫയർഫോഴ്‌സും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. അപകടത്തില്‍ മരിച്ചവരുടെ കുടുംബങ്ങള്‍ക്ക് സർക്കാർ മൂന്ന് ലക്ഷം രൂപ വീതം നല്‍കുമെന്ന് ഒഡിഷ മുഖ്യമന്ത്രി നവീന്‍ പട്‌നായിക് അറിയിച്ചു.