ഗുജറാത്തില്‍ കോണ്‍ഗ്രസ് എംഎല്‍എ രാജിവെച്ച് ബി.ജെ.പി മന്ത്രിയായി

അഹമ്മാദാബാദ്: ഗുജറാത്തില്‍ രാജിവെച്ച എംഎല്‍എയ്ക്ക് മണിക്കൂറുകള്‍ക്കകം ലഭിച്ചത് മന്ത്രി സ്ഥാനം. കോണ്‍ഗ്രസിലെ മുതിര്‍ന്ന നേതാവ് കുവാര്‍ജി ബവാലിയയാണ് പാര്‍ട്ടിയില്‍ നിന്നും രാജിവെച്ച് ബിജെപി മന്ത്രിസഭയില്‍ അംഗമായത്. അഞ്ചു തവണ കോണ്‍ഗ്രസ് എംഎല്‍എയും ഒരു തവണ എംപിയുമായിരുന്നു ബവാലിയ

പാര്‍ട്ടിയില്‍ നിന്ന് രാജിവെച്ച് മണിക്കൂറുകള്‍ക്കമാണ് മന്ത്രിയായി ഇദ്ദേഹം സത്യപ്രതിജ്ഞ ചെയ്തത്. ഗുജറാത്തിലെ പ്രബല സാമുദായമായ കോലി നേതാവ് കൂടിയായ ബവാല സംസ്ഥാനത്തെ മുതിര്‍ന്ന പാര്‍ട്ടി നേതാക്കളില്‍ ഒരാളാണ്.

പാര്‍ട്ടിയില്‍ ഉന്നത സ്ഥാനങ്ങള്‍ ലഭിക്കുന്നില്ലെന്ന കാരണത്താല്‍ എറെ നാളായി കോണ്‍ഗ്രസ് നേതൃത്വവുമായി അകല്‍ച്ചയിലായിരുന്നു ബവാലിയ. ബവാലിയയുടെ നടപടി നിര്‍ഭാഗ്യകരമെന്ന് ഗുജറാത്ത് പിസിസി അധ്യക്ഷന്‍ അമിത് ചാവ്ദ പറഞ്ഞു.