പിതാവ് 'തട്ടിയെടുത്ത' 5 വയസുകാരനെ ഇന്ത്യ പാകിസ്ഥാന് തിരികെ നല്‍കി

ന്യൂഡല്‍ഹി: ഒരു വര്‍ഷം മുന്‍പ് ഇന്ത്യയിലേക്ക് പിതാവ് കടത്തിക്കൊണ്ടുവന്ന അഞ്ചു വയസുകാരനെ പാകിസ്ഥാന് ഇന്ത്യ തിരികെ നല്‍കി.

കശ്‍മീര്‍ സ്വദേശിയായ ഗുല്‍സര്‍ അഹ്‍മദിന്‍റെയും പാകിസ്ഥാന്‍ സ്വദേശിനി രോഹിന കിയാനിയുടെയും മകനായ ഇഫ്‍തിക്കര്‍ അഹ്‍മദിനെയാണ് ഇന്ത്യ തിരികെ നല്‍കിയത്. വാഗ അതിര്‍ത്തിയിലെ പാകിസ്ഥാന്‍ റേഞ്ചര്‍മാര്‍ക്ക് കുട്ടിയെ കൈമാറി. അവിടെ വെച്ച് തന്നെ അമ്മ കുട്ടിയെ ഏറ്റുവാങ്ങി.

തീവ്രവാദക്കേസുകളില്‍ കശ്‍മീര്‍ പോലീസ് തെരയുന്നയാളാണ് കുട്ടിയുടെ അച്ഛന്‍. അന്വേഷണം ഭയന്ന് ഇയാള്‍ 2011ല്‍ പാകിസ്ഥാനിലേക്ക് പോയി. അവിടെ വെച്ച് രോഹിനിയെ വിവാഹം കഴിച്ചു. കഴിഞ്ഞ വര്‍ഷം ഇന്ത്യയില്‍ ഒരു കല്യാണത്തിന് പോകുകയാണെന്ന് വിശ്വസിപ്പിച്ച് മകനുമായി അതിര്‍ത്തി കടന്ന് ഇന്ത്യയിലെത്തി.

കുഞ്ഞുമായി ഇയാള്‍ കടന്നുകളഞ്ഞതാണെന്ന് മനസിലായ രോഹിനി പാകിസ്ഥാന്‍ ഹൈക്കമ്മീഷന്‍ മുഖാന്തിരം ഇന്ത്യയെ സമീപിച്ചു. ഏതാണ്ട് ഒരുവര്‍ഷം നീണ്ട നയതന്ത്ര ശ്രമങ്ങള്‍ക്ക് ഒടുവില്‍ ഇന്ത്യ, കുട്ടിയുെ വിട്ടുനല്‍കാന്‍ തീരുമാനിക്കുകയായിരുന്നു.

Five-year-old Pak boy reunites with mother

A five-year-old boy, who was "deceitfully" brought to India by his father a year ago, has been reunited with his mother in Pakistan at the Wagah border after Indian authorities handed him over on Saturday.