കനയ്യക്കെതിരായ വീഡിയോ വ്യാജമെന്ന് ഫോറൻസിക് റിപ്പോ‍ർട്ട്

ന്യൂഡൽഹി: ജെ.എൻ.യു വിദ്യാ‍ർത്ഥി നേതാവ് കനയ്യ കുമാറിനെതിരായ ദൃശ്യങ്ങൾ വ്യാജമെന്ന് ഫോറൻസിക് റിപ്പോ‍ർട്ട്. ഏഴ് ദൃശ്യങ്ങളിൽ രണ്ടെണ്ണം വ്യാജമാണെന്നാണ് ഫോറൻസിക് പരിശോധനയിൽ കണ്ടെത്തിയത് . ഈ ദൃശ്യങ്ങളുടെ അടിസ്ഥാനത്തിലാണ് കന്നയ്യക്കെതിരെ രാജ്യദ്രോഹക്കുറ്റം ചുമത്തിയിരുന്നത്. ‍ഡൽഹി സ‍ർക്കാരാണ് പരിശോധനകൾക്കായി ദൃശ്യങ്ങൾ അയച്ചിരുന്നത്.

കനയ്യ കുമാറിന്റെ ജാമ്യാപേക്ഷയില്‍ ഡൽഹി ഹൈക്കോടതി ബുധനാഴ്ച വിധി പറയും. ഇന്നലെ കേസ് പരിഗണിച്ച കോടതി, വിധി പറയുന്നത് മാര്‍ച്ച്‌ രണ്ടിലേക്ക് മാറ്റുകയായിരുന്നു. നിലവിൽ ജുഡീഷ്യൽ കസ്റ്റഡിയിലാണ് കനയ്യ.