ന്യൂഡല്ഹി: ബിജെപിയുമായി ഇടഞ്ഞ ശത്രുഘ്നന് സിന്ഹ കോണ്ഗ്രസ് പാളയത്തിലേക്ക് എത്തുമെന്ന് ഉറപ്പായി. രാഹുല് ഗാന്ധിയുമായി സിന്ഹ കൂടിക്കാഴ്ച്ച നടത്തി. രാഹുലുമായി നടന്ന ചര്ച്ച ശുഭമായിരുന്നു എന്നും ബിജെപി ആക്രമണങ്ങളെ താന് പ്രതിരോധിച്ചത് രാഹുല് ഗാന്ധി അഭിനന്ദിച്ചെന്നും സിന്ഹ പറഞ്ഞു. രാഹുല് എന്നെക്കാള് ചെറുപ്പമാണ്. പക്ഷേ, ഇന്ന് രാജ്യത്തെ ഏറ്റവും പ്രശസ്തനായ നേതാവ് രാഹുല് ആണ്. ഞാന് നെഹ്രു - ഗാന്ധി കുടുംബത്തെ പിന്തുണയ്ക്കുന്നയാളാണ്. രാജ്യത്തെ നിര്മ്മിച്ചത് അവരാണെന്നും ശത്രുഘ്നന് സിന്ഹ ഒരു ടെലിവിഷന് ചാനലിനോട് പറഞ്ഞു.
പറ്റ്ന സാഹിബ് മണ്ഡലത്തില് നിന്ന് രണ്ട് തവണ എംപിയായ ശത്രുഘ്നന് സിന്ഹയെ ഇത്തവണ ബിജെപി ഒഴിവാക്കി. രവിശങ്കര് പ്രസാദിനാണ് മണ്ഡലം നല്കിയത്. ഇതിന് മുന്പ് തന്നെ ശത്രുഘ്നന് സിന്ഹ പാര്ട്ടിയില് നിന്ന് രാജിവെക്കുകയും ചെയ്തു.
ജനുവരിയില് കൊല്ക്കത്തയില് നടന്ന ഒരു പ്രതിപക്ഷ പാര്ട്ടിയുടെ റാലിയില് ശത്രുഘ്നന് സിന്ഹ പങ്കെടുത്തിരുന്നു. നോട്ടുനിരോധനം ബിജെപി തീരുമാനം ആയിരുന്നില്ലെന്നും മോദി സര്ക്കാര് ഭരിക്കുമ്പോള് യുവാക്കളും കര്ഷകരും തൊഴില്രഹിതരാണെന്നും ശത്രുഘ്നന് സിന്ഹ വിമര്ശിച്ചിരുന്നു.
ശത്രുഘ്നന് സിന്ഹ അവസരവാദിയാണ് എന്നായിരുന്നു ഇതിന് ബിജെപി നല്കിയ മറുപടി.
പുതിയ ഒരു നേതാവും നേതൃത്വവും ഇന്ത്യ ഭരിക്കട്ടെ എന്ന് കഴിഞ്ഞ ദിവസം ശത്രുഘ്നന് സിന്ഹ പറഞ്ഞിരുന്നു. ഇത് മോദിയോടുള്ള അഭ്യര്ഥനയാണെന്നാണ് അദ്ദേഹം പറഞ്ഞത്. ബിജെപി പാര്ട്ടിയില് നിന്ന് പുറത്തായ സിന്ഹ മഹാസഖ്യത്തിനൊപ്പം ചേരുമെന്നാണ് കരുതുന്നത്.
ബോളിവുഡിലെ തിരക്കുള്ള നടനായിരുന്ന ശത്രുഘ്നന് സിന്ഹ 1990 മുതല് സജീവമായി ബിജെപിക്ക് വേണ്ടി പ്രവര്ത്തിക്കുന്നയാളാണ്. അടല് ബിഹാരി വാജ്പേയ് സര്ക്കാരില് മന്ത്രിയുമായിരുന്നു. പറ്റ്ന സഹിബ് മണ്ഡലത്തില് രണ്ടാം തവണയാണ് സിന്ഹ മത്സരിക്കുകയും ജയിക്കുകയും ചെയ്തത്.
പറ്റ്ന സാഹിബ് മണ്ഡലത്തില് നിന്ന് രണ്ട് തവണ എംപിയായ ശത്രുഘ്നന് സിന്ഹയെ ഇത്തവണ ബിജെപി ഒഴിവാക്കി. രവിശങ്കര് പ്രസാദിനാണ് മണ്ഡലം നല്കിയത്. ഇതിന് മുന്പ് തന്നെ ശത്രുഘ്നന് സിന്ഹ പാര്ട്ടിയില് നിന്ന് രാജിവെക്കുകയും ചെയ്തു.
ജനുവരിയില് കൊല്ക്കത്തയില് നടന്ന ഒരു പ്രതിപക്ഷ പാര്ട്ടിയുടെ റാലിയില് ശത്രുഘ്നന് സിന്ഹ പങ്കെടുത്തിരുന്നു. നോട്ടുനിരോധനം ബിജെപി തീരുമാനം ആയിരുന്നില്ലെന്നും മോദി സര്ക്കാര് ഭരിക്കുമ്പോള് യുവാക്കളും കര്ഷകരും തൊഴില്രഹിതരാണെന്നും ശത്രുഘ്നന് സിന്ഹ വിമര്ശിച്ചിരുന്നു.
ശത്രുഘ്നന് സിന്ഹ അവസരവാദിയാണ് എന്നായിരുന്നു ഇതിന് ബിജെപി നല്കിയ മറുപടി.
പുതിയ ഒരു നേതാവും നേതൃത്വവും ഇന്ത്യ ഭരിക്കട്ടെ എന്ന് കഴിഞ്ഞ ദിവസം ശത്രുഘ്നന് സിന്ഹ പറഞ്ഞിരുന്നു. ഇത് മോദിയോടുള്ള അഭ്യര്ഥനയാണെന്നാണ് അദ്ദേഹം പറഞ്ഞത്. ബിജെപി പാര്ട്ടിയില് നിന്ന് പുറത്തായ സിന്ഹ മഹാസഖ്യത്തിനൊപ്പം ചേരുമെന്നാണ് കരുതുന്നത്.
ബോളിവുഡിലെ തിരക്കുള്ള നടനായിരുന്ന ശത്രുഘ്നന് സിന്ഹ 1990 മുതല് സജീവമായി ബിജെപിക്ക് വേണ്ടി പ്രവര്ത്തിക്കുന്നയാളാണ്. അടല് ബിഹാരി വാജ്പേയ് സര്ക്കാരില് മന്ത്രിയുമായിരുന്നു. പറ്റ്ന സഹിബ് മണ്ഡലത്തില് രണ്ടാം തവണയാണ് സിന്ഹ മത്സരിക്കുകയും ജയിക്കുകയും ചെയ്തത്.