ന്യൂഡല്ഹി: ബിജെപിയിലേക്ക് ചേക്കേറിയതിന് പിന്നില് വെളിപ്പെടുത്താത്ത ചില കാരണങ്ങളുണ്ടെന്ന സൂചന നല്കി മുന് കോണ്ഗ്രസ് നേതാവ് ടോം വടക്കന് രംഗത്ത്. ഇത്രയും നാള് വിശ്വസിച്ചിരുന്ന ആശയങ്ങള് വിട്ട് പെട്ടെന്നൊരു മാറ്റം എന്തുകൊണ്ടെന്ന മാധ്യമപ്രവര്ത്തകരുടെ ചോദ്യത്തിന് മറുപടിയായാണ് ആദ്ദേഹം ചില സൂചനകള് നല്കിയത്. ഈ മൂന്ന് ദിവസത്തിനുള്ളില് എന്തൊക്കെയാണ് സംഭവിച്ചതെന്ന് മാധ്യമങ്ങള് അന്വേഷിച്ച് കണ്ടുപിടിക്കൂ എന്നായിരുന്നു ടോം വടക്കന്റെ പ്രതികരണം. എന്നാല് ഇക്കാര്യത്തെക്കുറിച്ച് കൂടുതല് സംസാരിക്കാന് ടോം വടക്കന് തയ്യാറായില്ല.പാര്ട്ടി വിട്ടത് സംബന്ധിച്ച് വിശദീകരിച്ച് കഴിഞ്ഞെന്നും കൂടുതലൊന്നും പറയാനില്ലെന്നും അദ്ദേഹം കൂട്ടിച്ചേര്ത്തു. വാര്ത്താസമ്മേളനത്തിന് ശേഷം പുറത്തെത്തിയ ടോം വടക്കനോട് മാധ്യമപ്രവര്ത്തകര് വീണ്ടും ഇക്കാര്യം വിശദമായി ആരാഞ്ഞപ്പോഴാണ് ഈ മൂന്ന് ദിവസനത്തിനുള്ളില് സംഭവിച്ച കാര്യങ്ങളെ കുറിച്ച് നിങ്ങള് അന്വേഷിക്കൂ എന്ന് അദ്ദേഹം പറഞ്ഞത്.
ഇന്ന് ഉച്ചയോടെ കേന്ദ്രമന്ത്രി രവിശങ്കര് പ്രസാദില് നിന്ന് അംഗത്വം സ്വീകരിച്ചാണ് ടോം വടക്കന് ബിജെപിയില് ചേര്ന്നത്. പുല്വാമ ആക്രമണ വിഷയത്തില് കോണ്ഗ്രസ് സ്വീകരിച്ച നിലപാടില് പ്രതിഷേധിച്ചാണ് തന്റെ രാജിയെന്ന് ടോം വടക്കന് വ്യക്തമാക്കി.
ഉപയോഗിച്ച ശേഷം കറിവേപ്പില പോലെ വലിച്ചെറിയുന്ന രീതിയാണ് ഇപ്പോള് കോണ്ഗ്രസില് ഉള്ളതെന്ന് അദ്ദേഹം കുറ്റപ്പെടുത്തി. ഇതോടൊപ്പം കോണ്ഗ്രസിലെ കുടുംബവാഴ്ചയും തന്റെ മനം മടുപ്പിച്ചതായി ടോം വടക്കന് പറഞ്ഞു.
തീരുമാനത്തിന് പിന്നാലെ പ്രധാനമന്ത്രി നരേന്ദ്രമോദിക്കും അമിത് ഷായ്ക്കും ടോം വടക്കന് നന്ദി അറിയിച്ചു. നരേന്ദ്രമോദി രാജ്യത്തെ മറ്റൊരു തലത്തിലേക്ക് ഉയര്ത്തുകയാണ്. അദ്ദേഹം രാജ്യത്തിനായി ചെയ്യുന്ന കാര്യങ്ങളില് ആകര്ഷണം തോന്നിയിരുന്നതായും ടോം വടക്കന് കൂട്ടിച്ചേര്ത്തു. കോണ്ഗ്രസ് വക്താവും എഐസിസി സെക്രട്ടറിയുമായിരുന്നു ടോം വടക്കന്.
ഇന്ന് ഉച്ചയോടെ കേന്ദ്രമന്ത്രി രവിശങ്കര് പ്രസാദില് നിന്ന് അംഗത്വം സ്വീകരിച്ചാണ് ടോം വടക്കന് ബിജെപിയില് ചേര്ന്നത്. പുല്വാമ ആക്രമണ വിഷയത്തില് കോണ്ഗ്രസ് സ്വീകരിച്ച നിലപാടില് പ്രതിഷേധിച്ചാണ് തന്റെ രാജിയെന്ന് ടോം വടക്കന് വ്യക്തമാക്കി.
ഉപയോഗിച്ച ശേഷം കറിവേപ്പില പോലെ വലിച്ചെറിയുന്ന രീതിയാണ് ഇപ്പോള് കോണ്ഗ്രസില് ഉള്ളതെന്ന് അദ്ദേഹം കുറ്റപ്പെടുത്തി. ഇതോടൊപ്പം കോണ്ഗ്രസിലെ കുടുംബവാഴ്ചയും തന്റെ മനം മടുപ്പിച്ചതായി ടോം വടക്കന് പറഞ്ഞു.
തീരുമാനത്തിന് പിന്നാലെ പ്രധാനമന്ത്രി നരേന്ദ്രമോദിക്കും അമിത് ഷായ്ക്കും ടോം വടക്കന് നന്ദി അറിയിച്ചു. നരേന്ദ്രമോദി രാജ്യത്തെ മറ്റൊരു തലത്തിലേക്ക് ഉയര്ത്തുകയാണ്. അദ്ദേഹം രാജ്യത്തിനായി ചെയ്യുന്ന കാര്യങ്ങളില് ആകര്ഷണം തോന്നിയിരുന്നതായും ടോം വടക്കന് കൂട്ടിച്ചേര്ത്തു. കോണ്ഗ്രസ് വക്താവും എഐസിസി സെക്രട്ടറിയുമായിരുന്നു ടോം വടക്കന്.