25 ലക്ഷം മൂല്യമുള്ള ചിത്രം എയര്‍ ഇന്ത്യ ഉദ്യോഗസ്ഥ മോഷ്‍ടിച്ചു

വിഖ്യാത ചിത്രകാരന്‍ ജതിന്‍ ദാസിന്‍റെ പെയിന്‍റിങ് മോഷ്‍ടിച്ച എയര്‍ ഇന്ത്യ മുന്‍ എക്സിക്യൂട്ടീവ് ഡയറക്ടര്‍ക്ക് എതിരെ പോലീസ് എഫ്‍ഐആര്‍ സമര്‍പ്പിച്ചു.

വിരമിച്ചപ്പോള്‍ എയര്‍ ഇന്ത്യ ഓഫീസില്‍ നിന്ന് 'പറക്കുന്ന അപ്‍സരസ്' എന്ന ചിത്രമാണ് രോഹിത ജെയ്‍ക്ക എന്നയാള്‍ വീട്ടിലേക്ക് കൊണ്ടുപോയത്. 2004 മുതല്‍ 2009വരെയുള്ള സമയത്ത് മറ്റുള്ളവരും ചില ചിത്രങ്ങള്‍ കൊണ്ടുപോയി.

25 ലക്ഷം രൂപ വിലമതിക്കുന്ന ചിത്രമാണ് -അപ്‍സരസ്-. 1991ല്‍ ജതിന്‍ ദാസ് വരച്ചുനല്‍കിയ ചിത്രമാണിത്.