മുൻ ഐഎഎസ് ഓഫീസർ ശശികാന്ത് സെന്തിൽ കോൺഗ്രസിലേക്ക്

ചെന്നൈ: മുൻ ഐഎഎസ് ഓഫീസർ എസ് ശശികാന്ത് സെന്തിൽ കോൺഗ്രസിൽ ചേരാൻ തീരുമാനിച്ചു. തമിഴ്നാട്ടിൽ അടുത്തവർഷം നിയമസഭാ തെരഞ്ഞെടുപ്പ് നടക്കാനിരിക്കെയാണ് കോൺഗ്രസിൽ ചേരുകയാണെന്ന് പ്രഖ്യാപിച്ചത്. നേരത്തെ പൗരത്വ നിമയ ഭേദഗതിയുൾപ്പെടെയുള്ള നയങ്ങളിൽ പ്രതിഷേധിച്ചായിരുന്നു കർണാടയിലെ ദക്ഷിണ കന്നഡ ജില്ലയുടെ ഡപ്യൂട്ടി കമ്മീഷണറായിരുന്ന സെന്തിൽ ഐഎഎസ് പദവി രാജിവെച്ചത്.

ഐഎഎസ് പദവി രാജിവെച്ചതിന് പിന്നാലെ തന്നെ സിഎഎയ്ക്കെതിരെയുൾപ്പെടെ കേന്ദ്ര സർക്കാരിനെതിരായ നിരവധി സമര പരിപാടികളിൽ ശശികാന്ത് സെന്തിൽ പങ്കെടുത്തിരുന്നു. 2019 സെപ്റ്റംബറിലായിരുന്നു സെന്തിൽ ഐഎഎസ് വിട്ടത്. താൻ കോൺഗ്രിൽ ചേരാൻ പോവുകയാണെന്ന് ട്വിറ്റർ അക്കൗണ്ടിലൂടെയാണ് ഇദ്ദേഹം പ്രഖ്യാപിച്ചത്.

Also Read : നോട്ടുനിരോധനത്തിന്റെ നാലാം വാര്‍ഷികം; രാജ്യത്തെ കള്ളപ്പണം കുറച്ചെന്ന് നരേന്ദ്ര മോദി

ഇരുപത്തിയൊന്നാം നൂറ്റാണ്ടിൽ ഇന്ത്യയ്ക്കും ലോകത്തിനുമുള്ള വെല്ലുവിളികളെക്കുറിച്ച് കോൺഗ്രസ് പാർട്ടി ബോധവാന്മാരാണെന്നും, രാജ്യത്തെ ജനങ്ങൾക്കൊപ്പം പരിഹാരങ്ങൾ കണ്ടെത്താൻ പാർട്ടി തയ്യാറാണെന്നും അദ്ദേഹം ട്വീറ്റ് ചെയ്തു.

'പോരാട്ടം തുടരാനുള്ള എന്റെ ശ്രമത്തിന്‍റെ ഭാഗമായി കോൺഗ്രസ് പാർട്ടിയിൽ ചേരാൻ തീരുമാനിച്ച കാര്യം എല്ലാവരേയും അറിയിക്കാൻ ഞാൻ ആഗ്രഹിക്കുന്നു. എന്റെ ജീവിതത്തിലുടനീളം സാധാരണക്കാരുടെ ശബ്ദമാകാൻ ശ്രമിക്കുന്ന ഒരു പ്രവർത്തകനാണ് ഞാൻ, അവസാന ശ്വാസം വരെ അത് തുടരും.' എന്ന കുറിപ്പോടെയാണ് കോൺഗ്രസ് പ്രവേശനത്തെക്കുറിച്ച് അദ്ദേഹം വ്യക്തമാക്കിയത്.

Also Read: ആരാധനാലയങ്ങളും സ്കൂളും ഉടൻ തുറക്കും; ദീപാവലിക്ക് ശേഷം പ്രവർത്തനനിർദേശം പുറത്തിറക്കുമെന്ന് ഉദ്ധവ് താക്കറെ

2021ലാണ് തമിഴ്നാട് നിയമസഭയിലേക്ക് തെരഞ്ഞെടുപ്പ് നടക്കുക. ഖുശ്ബുവിനെ പോലുള്ള വ്യക്തി പാർട്ടി വിട്ട് ബിജെപിയിൽ ചേർന്ന സാഹചര്യത്തിൽ ശശികാന്ത് സെന്തിൽ എത്തുന്നത് സംസ്ഥാന കോൺഗ്രസിന് പുത്തനുണർവേകുമെന്നാണ് വിലയിരുത്തപ്പെടുന്നത്.