ന്യൂഡൽഹി: രാജ്യത്ത് തെരഞ്ഞെടുപ്പ് കമ്മീഷൻെറ പ്രവർത്തനങ്ങൾ പ്രശംസനീയമാണെന്ന് മുൻ രാഷ്ട്രപതി പ്രണബ് മുഖർജി. കമ്മീഷനെതിരെ കോൺഗ്രസ് രൂക്ഷവിമർശനം ഉയർത്തുന്നതിനിടെയാണ് മുതിർന്ന കോൺഗ്രസ് നേതാവിൻെറ പ്രതികരണം. ഡൽഹിയിൽ നടന്ന ഒരു പുസ്തക പ്രകാശന ചടങ്ങിലായിരുന്നു പ്രണബ് കമ്മീഷൻെറ പ്രവർത്തനങ്ങളെ പ്രകീർത്തിച്ചത്. രാജ്യത്ത് ജനാധിപത്യം ശക്തമായി നിലനിൽക്കുന്നതിന് കാരണം തെരഞ്ഞെടുപ്പ് കമ്മീഷനുകളാണ്. തുടക്കം മുതൽ തന്നെ അവർ മികച്ച രീതിയിലാണ് പ്രവർത്തിച്ച് വരുന്നത്. ഒരു ഭരണഘടന സ്ഥാപനം എന്ന നിലയിൽ അത് തെരഞ്ഞെടുപ്പ് കമ്മീഷൻെറ കർത്തവ്യമാണെന്നും പ്രണബ് മുഖർജി പറഞ്ഞു.
എക്സിറ്റ് പോൾ ഫലം പുറത്ത് വന്നതിന് ശേഷം രാജ്യത്തെ തെരഞ്ഞെടുപ്പ് പ്രക്രിയയെ വിമർശിച്ച് കോൺഗ്രസും പ്രതിപക്ഷ പാർട്ടികളും രംഗത്തെത്തിയിരുന്നു. ഇവിഎമ്മിനെതിരെയാണ് പ്രധാനമായും പ്രതിപക്ഷത്തിൻെറ വിമർശനം.
എക്സിറ്റ് പോൾ ഫലം പുറത്ത് വന്നതിന് ശേഷം രാജ്യത്തെ തെരഞ്ഞെടുപ്പ് പ്രക്രിയയെ വിമർശിച്ച് കോൺഗ്രസും പ്രതിപക്ഷ പാർട്ടികളും രംഗത്തെത്തിയിരുന്നു. ഇവിഎമ്മിനെതിരെയാണ് പ്രധാനമായും പ്രതിപക്ഷത്തിൻെറ വിമർശനം.