മുൻ പ്രധാനമന്ത്രി മൻമോഹൻ സിങ്ങിനെ ആശുപത്രിയിൽ പ്രവേശിപ്പിച്ചു

ന്യൂഡൽഹി: മുൻ പ്രധാനമന്ത്രിയും മുതിർന്ന കോൺഗ്രസ് നേതാവുമായ മൻമോഹൻ സിങ്ങിനെ നെഞ്ചുവേദനയെത്തുടർന്ന് ആശുപത്രിയിൽ പ്രവേശിപ്പിച്ചു. എയിംസിൽ പ്രവേശിപ്പിച്ച അദ്ദേഹത്തെ കാർഡിയോ തൊറാസിക് വാർഡിൽ നിരീക്ഷണത്തിലാക്കിയിരിക്കുകയാണെന്നാണ് റിപ്പോർട്ടുകൾ.



87കാരനായ അദ്ദേഹത്തെ ഞായറാഴ്ച രാത്രി 8.40 ഓടെയാണ് ആശുപത്രിയിൽ പ്രവേശിപ്പിച്ചതെന്നാണ് റിപ്പോർട്ടുകൾ വ്യക്തമാക്കുന്നത്. 2004 മുതൽ 2014 വരെ രാജ്യത്തെ പ്രധാനമന്ത്രിയായിരുന്ന മൻമോഹൻസിങ് നിലവിൽ രാജസ്ഥാനിൽ നിന്നുള്ള രാജ്യസഭാംഗമാണ്.

Also Read: രാജ്യത്ത് ട്രെയിൻ ഗതാഗതം മെയ് 12 മുതൽ!; തിരുവനന്തപുരത്തേക്കും സർവീസ്

റിസര്‍വ് ബാങ്ക് ഗവര്‍ണര്‍, മുഖ്യ സാമ്പത്തിക ഉപദേഷ്‌ടാവ്, ഐഎംഎഫ് അംഗം തുടങ്ങി നിരവധി പദവികള്‍ മന്‍മോഹന്‍ സിങ്ങ് വഹിച്ചിട്ടുണ്ട്. 1991ലെ പി വി നരസിംഹ റാവു മന്ത്രിസഭയില്‍ ധനമന്ത്രിയായിരുന്നു അദ്ദേഹം.