സമാജ് വാദി പാര്‍ട്ടി മുന്‍ നേതാവ് അമര്‍ സിങ് ബിജെപിയിലേക്ക്

ലക്നൗ: രാജ്യസഭാ എംപിയും സമാജ് വാദി പാര്‍ട്ടി മുന്‍ നേതാവമായ അമര്‍ സിങ് ബിജെപിയില്‍ ചേരുമെന്ന് സൂചന. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥുമായി കൂടിക്കാഴ്ച നടത്തിയതോടെയാണ് അമര്‍നാഥ് ബിജെപിയിലേക്ക് എത്തുകയാണെന്ന് അഭ്യൂഹങ്ങള്‍ ശക്തമായത്.

ബിജെപിയില്‍ ചേരാന്‍ തനിക്ക് ക്ഷണമൊന്നും ലഭിച്ചിട്ടില്ലെന്ന് അമര്‍ സിങ് പിന്നീട് പ്രതികരിച്ചു. ബിജെപിയിലേക്ക് പോകണമോ വേണ്ടയോ എന്ന് തീരുമാനമെടുക്കേണ്ടത് താനോ ബിജെപി അധ്യക്ഷന്‍ അമിത് ഷായോ ആണെന്നും അമര്‍സിങ് കൂട്ടിച്ചേര്‍ത്തു. താന്‍ മോദിയുടെ ആരാധകനാണെന്നും എക്കാലവും അങ്ങനെതന്നെയായിരിക്കുമെന്നും അമര്‍ സിങ് നേരത്തെ വ്യക്തമാക്കിയിരുന്നു.

ഞായറാഴ്ച ലഖ്‌നൗവിലെ 60,000 കോടി രൂപയുടെ 81 പദ്ധതികള്‍ പ്രധാനമന്ത്രി ഉദ്ഘാടനം ചെയ്ത ചടങ്ങില്‍ മുന്‍ നിരയിലായിരുന്നു അമര്‍ സിങ്ങിന്റെ സ്ഥാനം. ഇലക്ട്രിക് ബസുകള്‍ ഫ്‌ളാഗ് ഓഫ് ചെയ്യുന്ന ചടങ്ങിലും യോഗി ആദിത്യനാഥിനൊപ്പം അമര്‍ സിങ്ങുമുണ്ടായിരുന്നു.