ബസപകടത്തിൽ നാല് മലയാളികൾ മരിച്ചു

കോയമ്പത്തൂർ: മലയാളികൾ ഉൾപ്പടെയുള്ളവർ സഞ്ചരിച്ചിരുന്ന ബസ് ലോറിക്ക് പിന്നിലിടിച്ച് നാല് പേർ മരിച്ചു. കൊല്ലം സ്വദേശികളായ മിനി വർഗീസ്(36), മകൻ ഷിബു വർഗീസ് (10), റിജോ, സിദ്ധാർഥ് എന്നിവരാണ് മരിച്ചത്. 15 പേർക്ക് പരിക്കേറ്റു. ബെംഗലൂരുവിൽ നിന്ന് കേരളത്തിലേക്ക് വരികയായിരുന്ന സ്വകാര്യ ബസാണ് നാമക്കൽ ജില്ലയിലെ കുമാരപാളയത്ത് വെച്ച് ലോറിയിൽ ഇടിച്ചത്.

ലോറി പള്ളക്കപാളയത്തേക്ക് പോകുകയായിരുന്നു. പുലർച്ചെ നാല് മണിയോടെ നടന്ന അപകടത്തിൽ പരിക്കേറ്റ പലരുടെയും നില ഗുരുതരമാണ്. അപകടത്തിൽ മരിച്ച സിദ്ധാർഥായിരുന്നു ബസ് ഡ്രൈവർ.കുമാരപാളയം പോലീസ് കേസെടുത്ത് അന്വേഷണം ആരംഭിച്ചു.