പ്രതിഷേധിക്കുന്നത് 4 ജഡ്ജിമാര്‍; കുര്യന്‍ ജോസഫും സംഘത്തില്‍

ന്യുഡല്‍ഹി: സുപ്രീം കോടതി കൊളീജിയത്തിലെ ഭിന്നത പുറത്തുകാണിച്ച്‌ പ്രതിഷേധിക്കുന്നവരിൽ ജസ്റ്റിസ് കുര്യൻ ജോസഫും. ജസ്റ്റിസ് ലോയയുടെ മരണവുമായി ബന്ധപ്പെട്ടാണ് ജഡ്ജിമാരുടെ പ്രതിഷേധം. ലോയ കേസ് ചീഫ് ജസ്റ്റിസ് അസൈന്‍ ചെയ്ത രീതി തയ്യാറായില്ലെന്ന് ജഡ്ജിമാര്‍. ഇക്കാര്യം ചൂണ്ടിക്കാട്ടി ചീഫ് ജസ്റ്റിസിന് നാല് മാസം മുമ്പ് കത്ത് നല്‍കിയിരുന്നു.

ജസ്റ്റിസുമാരായ ജെ. ചെലമേശ്വർ, രഞ്ജൻ ഗൊഗോയ്, മദൻ ബി. ലോകൂർ, കുര്യൻ ജോസഫ് എന്നിവരാണ് കോടതിക്കു പുറത്ത് വാർത്താസമ്മേളനം വിളിച്ചത്. ജസ്റ്റിസ് ജെ. ചെലമേശ്വറിന്റെ വസതിയിലാണ് ജഡ്ജിമാർ മാധ്യമങ്ങളെ കണ്ടത്. ചീഫ് ജസ്റ്റിസിന് നൽകിയ കത്ത് മാധ്യമങ്ങൾക്ക് വിതരണം ചെയ്യുമെന്നും ചേലമേശ്വർ അറിയിച്ചു. സ്വതന്ത്ര ഇന്ത്യയുടെ ചരിത്രത്തില്‍ ആദ്യമായാണ് ജഡ്ജിമാര്‍ കോടതി ബഹിഷ്‌കരിച്ച് പ്രതിഷേധം നടത്തുന്നത്.