ന്യൂഡൽഹി: തൻ്റെ മോചനത്തിന് മോചനദ്രവ്യം നൽകിയോ എന്ന് അറിയില്ലെന്ന് ഫാ ടോം ഉഴുന്നാലിൽ. ഇസ്ലാമിക് സ്റ്റേറ്റ് ഭീകരരുടെ പിടിയിൽ നിന്ന് രക്ഷപ്പെട്ടതിനു ശേഷം ഇന്ത്യയിൽ എത്തിയ ഫാ ടോം മാധ്യമപ്രവർത്തകരോട് സംസാരിക്കവെയാണ് ഇക്കാര്യം വ്യക്തമാക്കിയത്.
ദൈവത്തിനു നന്ദി പറയുന്നു. തന്നെ ഭീകരർ ഉപദ്രവിച്ചിട്ടില്ല. ആരെയും കാണാൻ ഭീകരർ അനുവദിച്ചിരുന്നില്ലെന്നും അദ്ദേഹം വ്യക്തമാക്കി.
നാലിടത്തായി ഭീകരർ തന്നെ മാറ്റി പാർപ്പിച്ചിരുന്നു. എന്നാൽ തന്നെ മോചിപ്പിക്കുന്നതിനു വേണ്ടി മോചനദ്രവ്യം നൽകിയിട്ടുണ്ടോ എന്നറിയില്ല. തൻ്റെ മോചനത്തിനു ശ്രമിച്ച എല്ലാവർക്കും നന്ദി പറയുകയാണെന്നും അദ്ദേഹം അറിയിച്ചു.
യെമനിൽ ഭീകരരുടെ പിടിയിൽ നിന്നു മോചിതനായ ഫാ. ടോം ഉഴുന്നാലിൽ ഇന്നാണ് ഇന്ത്യയിൽ എത്തിയത്.
Fr Tom Uzhunnalil about his release
Fr Tom Uzhunnalil reaches back to India and meet the media