മോദിയാണ് ശരി; റാഫേല്‍ വിവാദത്തില്‍ ഫ്രഞ്ച് പ്രസിഡന്‍റ്

ന്യൂഡല്‍ഹി: വിവാദമായ റാഫേല്‍ വിമാനക്കരാറില്‍ കേന്ദ്ര സര്‍ക്കാരിനെ പിന്തുണച്ച് ഫ്രഞ്ച് പ്രസിഡന്‍റ് എമ്മാനുവല്‍ മാക്രോണ്‍. തനിക്ക് അധികമായൊന്നും പറയാനില്ലെന്നും വാര്‍ത്ത ഏജന്‍സി എ.എൻ.ഐയോട് മാക്രോണ്‍ പ്രതികരിച്ചു.

സര്‍ക്കാരുകള്‍ തമ്മിലുള്ള കരാര്‍ ആണ് റാഫേല്‍. ഇക്കാര്യത്തില്‍ പ്രധാനമന്ത്രി മോദി പറഞ്ഞതാണ് ശരി. പ്രതിരോധ കാര്യങ്ങളില്‍ ഇന്ത്യയുമായി ഫ്രാന്‍സിന് വളരെ ശക്തമായ ബന്ധമാണ് ഉള്ളത്. ഇക്കാര്യത്തില്‍ കൂടുതലായൊന്നും പറയാനില്ല - ഫ്രഞ്ച് പ്രസിഡന്‍റ് പറഞ്ഞു.

റാഫേല്‍ യുദ്ധവിമാനങ്ങള്‍ വാങ്ങുന്നതുമായി ബന്ധപ്പെട്ട കരാറില്‍ അഴിമതി നടന്നതായി പ്രതിപക്ഷ ആരോപണം തുടരുകയാണ്.