ഗർഭിണിയായ ഭാര്യ മരിച്ചു; മനംനൊന്ത് ഭർത്താവ് കത്തുന്ന ചിതയിലേക്ക് ചാടി ജീവനൊടുക്കി

മൂന്ന് മാസം ഗർഭിണിയായ ഭാര്യ മരിച്ചതില്‍ മനംനൊന്ത് ഭർത്താവ് ജീവനൊടുക്കി. കിഷോർ ഖാതിക് എന്ന യുവാവാണ് ഭാര്യ രുചിതയുടെ മരണത്തില്‍ മനംനൊന്ത് ജീവനൊടുക്കിയത്. ഇയാളുടെ ഭാര്യ അസുഖം വന്നാണ് മരിച്ചത്. മഹാരാഷ്ട്രയിലെ തലോദി ഗ്രാമത്തിലാണ് സംഭവം നടന്നത്. ഭാര്യയുടെ മരണത്തിന് ശേഷം ഇയാള്‍ കടുത്ത മാനസിക സമ്മര്‍ദ്ദത്തിലായിരുന്നു എന്ന് യുവാവിന്‍റെ ബന്ധുക്കള്‍ പറയുന്നു.

Also Read: തിരുവനന്തപുരം സ്വകാര്യ പാറമടയിലെ സുരക്ഷാ ജീവനക്കാരനെ ഡ്യൂട്ടിമുറിയിൽ തൂങ്ങിമരിച്ച നിലയിൽ കണ്ടെത്തി

ഭാര്യയുടെ മരണത്തില്‍ ഇയാള്‍ ആകെ തകര്‍ന്നിരുന്നു. ഭാര്യയുടെ സംസ്കാര ചടങ്ങിനിടെയാണ് കത്തുന്ന ചിതയിലേക്ക് കിഷോർ ചാടിയത്. തൊട്ടടുത്ത് നിന്നിരുന്ന ബന്ധുക്കള്‍ രക്ഷപ്പെടുത്താന്‍ ശ്രമിച്ചെങ്കിലും സാധിച്ചില്ല. ദേഹമാസകലം പൊള്ളിയ ഇയാള്‍ തൊട്ടടുത്ത് ഉണ്ടായിരുന്ന കിണറ്റിലേക്ക് ചാടി.
ബന്ധുക്കൾ ഉടൻ തന്നെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല.

Also Read: അങ്കമാലിയിൽ അച്ഛൻ കൊല്ലാൻ ശ്രമിച്ച കുഞ്ഞിന്‍റെ ആരോഗ്യ നിലയിൽ പുരോഗതി

ഈ വര്‍ഷം മാര്‍ച്ചിലാണ് ഇരുവരുടെയും വിവാഹം നടന്നത്. മൃതദേഹം പോസ്റ്റുമോർട്ടത്തിന് ശേഷം ബന്ധുക്കള്‍ക്ക് കൈമാറുമെന്ന് പോലീസ് അറിയിച്ചു.