ഇന്ധനവില വർധനവിനെതിരെ പ്രക്ഷോഭത്തിന് കോൺഗ്രസ്

ന്യൂഡൽഹി: ഇന്ധനവില വർധനവിനെതിരെ രാജ്യവ്യാപക പ്രക്ഷോഭം നടത്താൻ കോൺഗ്രസ് ദേശീയ നേതൃത്വം. രൂപയുടെ മൂല്യത്തക‍ർച്ചയും ഇന്ധന വിലവ‍ർധനവും ചൂണ്ടിക്കാട്ടി മറ്റ് പ്രതിപക്ഷ പാ‍ർട്ടികളുടെ കൂടെ സഹകരണത്തോടെയാവും പ്രക്ഷോഭം. പ്രക്ഷോഭ പരിപാടികൾ സെപ്തംബ‍ർ ആറിന് പ്രഖ്യാപിക്കുമെന്ന് വാ‍ത്താ ഏജൻസികൾ റിപ്പോ‍ർട്ട് ചെയ്യുന്നു.

പാ‍ർട്ടിയുടെ ദേശീയ ജനറൽ സെക്രട്ടറിമാരുടെയും സംസ്ഥാന ഘടകങ്ങളുടെയും കൂടെ അഭിപ്രായം പരിഗണിച്ചായിരിക്കും തീരുമാനമെടുക്കുക. ഇന്ധനവില കുറയ്ക്കാന്‍ തയ്യാറാകാത്തപക്ഷം കശ്മീര്‍ മുതല്‍ കന്യാകുമാരിവരെ കോണ്‍ഗ്രസിൻെറ നേതൃത്വത്തിൽ വ്യാപക പ്രക്ഷോഭമുണ്ടാവുമെന്ന് കോണ്‍ഗ്രസ് വക്താവ് മനീഷ് തിവാരി പറഞ്ഞു.

അസംസ്‌കൃത എണ്ണവില ബാരലിന് 70 ഡോളറിനടുത്ത് നില്‍ക്കുമ്പോള്‍ രാജ്യത്ത് 78 രൂപയാണ് ഒരുലിറ്റര്‍ പെട്രോളിൻെറ വില. ഇത് അംഗീകരിക്കാനാവില്ലെന്നും അദ്ദേഹം പറഞ്ഞു.