ന്യൂഡൽഹി: പഞ്ചാബ് നാഷണൽ ബാങ്കിൽ നിന്ന് കോടികള് തട്ടിച്ച് രാജ്യം വിട്ട മെഹുൽ ചോക്സി ഇന്ത്യൻ പൗരത്വം ഉപേക്ഷിക്കുന്നു. നിലവിൽ ആന്റിഗ്വയിൽ കഴിയുന്ന ചോക്സി ഇന്ത്യൻ പാസ്പോര്ട്ട് ഹൈക്കമ്മീഷന് കൈമാറി. ബാങ്ക് തട്ടിപ്പ് കേസിൽ പ്രതിയായ ചോക്സിയെ ഇന്ത്യയ്ക്ക് കൈമാറാനുള്ള നീക്കങ്ങള് ശക്തമാകുന്നതിനിടെയാണ് ചോക്സിയുടെ നീക്കം.
ജനുവരിയിൽ മെഹുൽ ചോക്സി ആന്റിഗ്വയിൽ പൗരത്വം നേടിയിരുന്നു. എന്നാൽ ഇരട്ട പൗരത്വം അനുവദിക്കാൻ സാധിക്കില്ലെന്ന് വിദേശകാര്യമന്ത്രാലയം വ്യക്തമാക്കുകയായിരുന്നു.