കര്‍ണാടകത്തില്‍ നാളെ സത്യപ്രതിജ്ഞ; ജി.പരമേശ്വര ഉപമുഖ്യമന്ത്രി

ബെംഗളൂരു: കോണ്‍ഗ്രസ്-ജെഡിഎസ് യോഗത്തില്‍ കര്‍ണാടക മന്ത്രിസഭയുടെ രൂപരേഖയായി. ജി.പരമേശ്വര ഉപമുഖ്യമന്ത്രിയായി സത്യപ്രതിജ്ഞ ചെയ്യും. 34 മന്ത്രിമാരാണ് കര്‍ണാടക മന്ത്രിസഭയില്‍ ഉണ്ടാകുക. 22 കോണ്‍ഗ്രസ് മന്ത്രിമാരും 12 ജെഡിഎസ് മന്ത്രിമാരും. സത്യപ്രതിജ്ഞയ്ക്ക് ശേഷം മന്ത്രിമാരുടെ കാര്യത്തില്‍ തീരമാനമെന്ന് കുമാരസ്വാമി പ്രതികരിച്ചു.

കോണ്‍ഗ്രസ്-ജെഡിഎസ് യോഗത്തിന് ശേഷം കര്‍ണാടക ചാര്‍ജ്ജുള്ള എഐസിസി ജനറല്‍ സെക്രട്ടറി കെസി വേണുഗോപാലാണ് ഇക്കാര്യം വ്യക്തമാക്കിയത്. കോണ്‍ഗ്രസിന്റെ രമേഷ്‌കുമാര്‍ സ്പീക്കറാകും. ഡെപ്യൂട്ടി സ്പീക്കര്‍ സ്ഥാനം ജെ.ഡി.എസിന്. അതേസമയം, കുമാരസ്വാമി തന്നെ 5 വര്‍ഷവും തുടരുമോ എന്ന കാര്യത്തില്‍ തീരുമാനമായിട്ടില്ല എന്ന് ജി.പരമേശ്വര പ്രതികരിച്ചു. താന്‍ അഞ്ച് വര്‍ഷം പൂര്‍ത്തിയാക്കുമെന്നാണ് കുമാരസ്വാമിയുടെ പ്രതികരണം. അതേസമയം, കുമാരസ്വാമി സ്വാര്‍ത്ഥനെന്ന് ഡി.കെ ശിവകുമാര്‍ പ്രതികരിച്ചു.