ന്യൂഡൽഹി: ഗാന്ധി കുടുംബത്തിനെതിരെ പ്രധാനമന്ത്രി നരേന്ദ്ര മോദി ഉയര്ത്തുന്ന വിമര്ശനങ്ങള്ക്ക് മറുപടിയുമായി മുതിര്ന്ന കോൺഗ്രസ് നേതാവ് പി സി ചാക്കോ. ഗാന്ധികുടുംബത്തോട് രാജ്യം കടപ്പെട്ടിരിക്കുന്നുവെന്നും ഇന്ത്യയിലെ പ്രഥമകുടുംബമാണ് ഗാന്ധി കുടുംബമെന്നും പി സി ചാക്കോ പരാമര്ശിച്ചു. ഗാന്ധി കുടുംബത്തെപ്പറ്റി പ്രധാനമന്ത്രി മോദിയ്ക്ക് തെറ്റായ അഭിപ്രായമാണുള്ളതെന്നും പി സി ചാക്കോ പറഞ്ഞു. വാര്ത്താ ഏജൻസിയായ എ എൻ ഐയ്ക്ക് നല്കിയ അഭിമുഖത്തിലായിരുന്നു പി സി ചാക്കോയുടെ പ്രതികരണം. ഇന്ത്യയിൽ ഗാന്ധി കുടുംബം യഥാര്ത്ഥത്തിൽ പ്രഥമകുടുംബം തന്നെയാണെന്ന് പി സി ചാക്കോ പറഞ്ഞു. അവരോട് രാജ്യം കടപ്പെട്ടിരിക്കുന്നുവെന്നും അദ്ദേഹം കൂട്ടിച്ചേര്ത്തു.
ഇന്ത്യയുടെ ബഹിരാകാശനേട്ടത്തെക്കുറിച്ച് പ്രധാനമന്ത്രി മോദി ഏറെ സംസാരിച്ചിട്ടുണ്ട്. എന്നാൽ ഇന്നത്തെ നിലയിൽ ഇന്ത്യയെ എത്തിച്ചത് ജവഹര്ലാൽ നെഹ്റുവിന്റെ ആസൂത്രണവും നേതൃപാടവവുമാണെന്നും പി സി ചാക്കോ പറഞ്ഞു. ഇന്ത്യ സ്വാതന്ത്ര്യം നേടിയപ്പോള് എന്തായിരുന്നു ഇവിടുത്തെ അവസ്ഥയെന്ന് പി സി ചാക്കോ ചോദിച്ചു. ഹരിതവിപ്ലവത്തിലൂടെയും ധവളവിപ്ലവത്തിലൂടെയും രാജ്യം സ്വയംപര്യാപ്ത കൈവരിച്ചത് നെഹ്രുവിന്റെ കാലത്താണ്. നരേന്ദ്ര മോദിയ്ക്ക് ചരിത്രമറിയില്ലെന്നും പി സി ചാക്കോ പറഞ്ഞു. നെഹ്റുവിന്റെയും ഗാന്ധികുടുംബത്തിന്റെയും സംഭാവനകള് മായ്ച്ചു കളയാനാകില്ലെന്നും അദ്ദേഹം കൂട്ടിച്ചേര്ത്തു.
ഇന്ത്യയുടെ ബഹിരാകാശനേട്ടത്തെക്കുറിച്ച് പ്രധാനമന്ത്രി മോദി ഏറെ സംസാരിച്ചിട്ടുണ്ട്. എന്നാൽ ഇന്നത്തെ നിലയിൽ ഇന്ത്യയെ എത്തിച്ചത് ജവഹര്ലാൽ നെഹ്റുവിന്റെ ആസൂത്രണവും നേതൃപാടവവുമാണെന്നും പി സി ചാക്കോ പറഞ്ഞു. ഇന്ത്യ സ്വാതന്ത്ര്യം നേടിയപ്പോള് എന്തായിരുന്നു ഇവിടുത്തെ അവസ്ഥയെന്ന് പി സി ചാക്കോ ചോദിച്ചു. ഹരിതവിപ്ലവത്തിലൂടെയും ധവളവിപ്ലവത്തിലൂടെയും രാജ്യം സ്വയംപര്യാപ്ത കൈവരിച്ചത് നെഹ്രുവിന്റെ കാലത്താണ്. നരേന്ദ്ര മോദിയ്ക്ക് ചരിത്രമറിയില്ലെന്നും പി സി ചാക്കോ പറഞ്ഞു. നെഹ്റുവിന്റെയും ഗാന്ധികുടുംബത്തിന്റെയും സംഭാവനകള് മായ്ച്ചു കളയാനാകില്ലെന്നും അദ്ദേഹം കൂട്ടിച്ചേര്ത്തു.