ഗണേശ് ജോഷിയെ 14 ദിവസത്തേക്ക് റിമാൻഡ് ചെയ്തു

ഡെറാഡൂണ്‍: മുഖ്യമന്ത്രിക്കെതിരായ പ്രതിഷേധത്തിനിടെ പോലീസ് കുതിര ശക്തിമാനെ അക്രമിച്ച സംഭവത്തില്‍ മുസൂറിയിലെ ബിജെപി എംഎല്‍എ ഗണേശ് ജോഷിയെ 14 ദിവസത്തേക്ക് റിമാന്റ് ചെയ്തു. കുതിരയെ ആക്രമിച്ച കേസിൽ ഇന്ന് രാവിലെയാണ് എംഎല്‍എയെ പോലീസ് അറസ്റ്റ് ചെയ്തത്.

തിങ്കളാഴ്ച ഉത്തരാഖണ്ഡ് മുഖ്യമന്ത്രി ഹരീഷ് റാവത്തിനെതിരെ നടന്ന മാർച്ചിനിടെയാണ് ബിജെപി എംഎല്‍എയും പ്രവർത്തകരും കുതിരയെ അക്രമിച്ചത്. മൃഗങ്ങൾക്കെതിരായ അതിക്രമം തടയുന്ന നിയമത്തിലെ വകുപ്പുകള്‍ ചുമത്തിയാണ് എംഎല്‍എയെ അറസ്റ്റ് ചെയ്തത്. അഞ്ചുവര്‍ഷം വരം തടവ് ശിക്ഷ ലഭിക്കാവുന്ന കേസാണിത്.

അതേസമയം കേസിൽ തന്‍റെ അച്ഛൻ നിരപരാധിയാണെന്നു കാട്ടി ഗണേശ് ജോഷിയുടെ മകൾ രംഗത്തെത്തി. തെളിവായി സംഭവസ്ഥലത്ത് നിന്നുള്ള പുതിയൊരു വീഡിയോയും പുറത്ത് വിട്ടിട്ടുണ്ട്.