ചെന്നൈ: താൻ സംഗീതം നല്കിയ ഗാനങ്ങൾ മുൻകൂർ അനുമതിയില്ലാതെ ആലപിക്കരുതെന്നുള്ള സംഗീതസംവിധായകൻ ഇളയരാജയുടെ നടപടിക്കെതിരെ സഹോദരൻ ഗംഗൈ അമരൻ. ഒരു ടെലിവിഷൻ ചാനലിലാണ് ഗംഗൈ അമരൻ ഇളയരാജയ്ക്കെതിരെ രൂക്ഷമായി പ്രതികരിച്ചത്.
ഇളയരാജയ്ക്ക് അഹങ്കാരമാണ്. പണത്തിനോടുള്ള അദ്ദേഹത്തിൻ്റെ ആർത്തിയാണ് ഇത്തരമൊരു നടപടിക്ക് കാരണമായതെന്നും അദ്ദേഹം പറഞ്ഞു. എം എസ് വിശ്വനാഥൻ്റെ ഈണങ്ങളും ത്യാഗരാജ കീർത്തനങ്ങളും നാം കോപ്പിയടിച്ചിട്ടുണ്ട്. ഇതിന് എന്തെങ്കിലും റോയൽറ്റി നല്കിയിട്ടുണ്ടോ എന്നും അദ്ദേഹം ചോദിച്ചു. ഇളയരാജയുടെ തീരുമാനം വളരെ ബാലിശമാണെന്നും ഗംഗൈ അമരൻ കൂട്ടിച്ചേർത്തു.
ആർ കെ നഗർ ഉപതെരഞ്ഞെടുപ്പിൽ ബി ജെ പിയുടെ സ്ഥാനാർത്ഥിയാണ് ഗംഗൈ അമരൻ. സഹോദരനാണെങ്കിലും ഇളയരാജയെ രൂക്ഷമായി വിമർശിക്കുന്നയാൾ കൂടിയാണ് ഗംഗൈ അമരൻ.
Gangai Amaran against Ilayaraja
Gangai Amaran against to brother Ilayaraja