ബെംഗളൂരു ദേശീയപാതയില് ഗ്യാസ് ടാങ്കറില് നിന്ന് വന്തോതില് വാതക ചോര്ച്ച; ജനങ്ങള് പരിഭ്രാന്തരായി
ഗ്യാസ് ചോര്ന്നതിനെ തുടര്ന്ന് ഉപ്പിനങ്കണ്ടി അഗ്നിശമനസേനയും പോലീസ് ഉദ്യോഗസ്ഥരും സംഭവ സ്ഥലത്തെത്തി ആവശ്യമായ നടപടികള് സ്വീകരിച്ചു. ഗ്യാസ് ടാങ്കറിന്റെ മുകള് വശത്താണ് വാതക ചോര്ച്ച കണ്ടെത്തിയത്.
Samayam Malayalam 4 Nov 2019, 12:59 pm
ബെംഗളൂരു: ബെംഗളൂരു- മാംഗളൂരു പ്രധാനപാതയില് ഗ്യാസ് ടാങ്കറില് നിന്ന് വന്തോതില് വാതകചോര്ച്ച കണ്ടെത്തി. ഉപ്പിനങ്കണ്ടിയിലെ ദേശീയ പാത 75 ന് അടുത്താണ് സംഭവം. ഇതേതുടര്ന്ന്, ഉപ്പിനങ്കണ്ടി അഗ്നിശമനസേനയും പോലീസ് ഉദ്യോഗസ്ഥരും സംഭവ സ്ഥലത്തെത്തി വേണ്ട നടപടികള് സ്വീകരിച്ചു. ടാങ്കറില് നിന്നും വാതകം ചോരുന്നതിന്റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്.
ഗ്യാസ് ടാങ്കറിന്റെ മുകളിലാണ് വാതക ചോര്ച്ച കണ്ടെത്തിയത്. വന്തോതില് വാതകചോര്ച്ച ഉണ്ടായതായി വീഡിയോയില് വ്യക്തമാണ്. ഇതേതുടര്ന്ന്, പ്രദേശവാസികള് പരിഭ്രാന്തരായി. പ്രധാനപാതയിലെ ഗതാഗതം ഒരു മണിക്കൂറിലധികം നിര്ത്തിവച്ചിരുന്നു. ടോട്ടല് ഗ്യാസ് കമ്പനിയുടേതാണ് ഗ്യാസ് ടാങ്കർ.
(കൂടുതൽ വിവരങ്ങൾ ലഭ്യമല്ല)