ലോക്ക് ഡൗണിനിടെ മൃതദേഹം നാട്ടിലെത്തിക്കാനായില്ല; വീട്ടുജോലിക്കാരിയുടെ അന്ത്യകര്‍മങ്ങള്‍ ചെയ്ത് ഗംഭീര്‍

ഡല്‍ഹി: അസുഖം ബാധിച്ച് മരിച്ച വീട്ടുജോലിക്കാരിയുടെ അന്ത്യകര്‍മങ്ങള്‍ ചെയ്ത് മുന്‍ ഇന്ത്യന്‍ ക്രിക്കറ്റ് താരവും ബിജെപി എംപിയുമായ ഗൗതം ഗംഭീര്‍. കഴിഞ്ഞ ആറു വര്‍ഷമായി തന്റെ വീട്ടിൽ ജോലി ചെയ്തുവരികയായിരുന്ന സരസ്വതി പാത്ര എന്ന സ്ത്രീയുടെ അന്ത്യകര്‍മങ്ങളാണ് ഗംഭീർ നിർവ്വഹിച്ചത്. കൊറോണ വൈറസിനെ തുടർന്ന് ലോക്ക് ഡൗൺ പ്രഖ്യാപിച്ചിരിക്കുന്നതിനാൽ ഇവരുടെ മൃതദേഹം ജന്‍മനാടായ ഒഡീഷയിലേക്ക് കൊണ്ടുപോവാന്‍ കഴിയാത്ത സാഹചര്യത്തിലായിരുന്നു ഗംഭീർ കർമങ്ങൾ ചെയ്തത്.

തന്റെ കുഞ്ഞിനെ നോക്കുന്ന അവർ ഒരിക്കലുമൊരു വീട്ടുജോലിക്കാരിയായിരുന്നില്ലെന്നും കുടുംബത്തിലെ ഒരാംഗമായിരുന്നുവെന്നും ഗൗതം ഗംഭീർ ട്വീറ്റിൽ കുറിച്ചു. അവരുടെ അന്ത്യകര്‍മങ്ങള്‍ ചെയ്യുക എന്നത് തന്റെ കടമയാണ്. ജാതി, മതം, മതം, സാമൂഹിക പദവി എന്നിവ കണക്കിലെടുക്കാതെ എല്ലായ്‌പ്പോഴും മഹത്വത്തില്‍ വിശ്വസിക്കുക മാത്രമാണ് ചെയ്യുന്നത്. അതാണ് മെച്ചപ്പെട്ട സമൂഹം സൃഷ്ടിക്കാനുള്ള ഏക മാര്‍ഗമെന്നും അദ്ദേഹം കൂട്ടിച്ചേര്‍ത്തു.



ഒഡീഷയിലെ ജാജ്പൂര്‍ ജില്ലക്കാരിയാണ് 49കാരിയായ സുമിത്ര പത്ര. പ്രമേഹരോഗവും ഉയർന്ന രക്തസമ്മർദവും മൂലം കഴിഞ്ഞകുറച്ച് ദിവസങ്ങളായി സുമിത്ര ദില്ലിയിലെ ഗംഗാറാം ആശുപത്രിയില്‍ ചികിത്സയിലായിരുന്നു. ചികിത്സയ്ക്കിടെ ഏപ്രിൽ 21നാണ് സുമിത്ര വിടപറഞ്ഞത്.