ലോക് സഭ തെരഞ്ഞെടുപ്പ് നേരത്തെ നടക്കില്ലെന്ന് രാജ് നാഥ് സിങ്

ന്യൂഡൽഹി: ലോക് സഭ തെരഞ്ഞെടുപ്പ് നേരത്തെ നടക്കുമെന്ന റിപ്പോർട്ടുകൾ തള്ളി കേന്ദ്ര ആഭ്യന്തര മന്ത്രി രാജ് നാഥ് സിങ്. തെരഞ്ഞെടുപ്പ് ഒരു കാരണവശാലും നേരത്തെയാക്കില്ലെന്നും കൃത്യസമയത്ത് തന്നെ നടക്കുമെന്നും അദ്ദേഹം വ്യക്തമാക്കി.

2019 മെയ് 15 ഓടെ തെരഞ്ഞെടുപ്പ് പ്രക്രിയ പൂർത്തിയാക്കും. ലോക് സഭ, നിയമ സഭ തെരഞ്ഞെടുപ്പുകൾ ഒന്നിച്ച് നടത്തുന്നത് പരിശോധിക്കേണ്ടത് തെരഞ്ഞെടുപ്പ് കമ്മീഷന്‍റെ ചുമതലയാണെന്നും മന്ത്രി വ്യക്തമാക്കി.

ലോക് സഭ, നിയമ സഭ തെരഞ്ഞെടുപ്പുകൾ ഒരുമിച്ചു നടത്തണമെന്നുള്ള നിർദേശം നേരത്തെ കേന്ദ്ര സർക്കാർ മുന്നോട്ട് വച്ചിരുന്നു.