ബുർഖക്കൊപ്പം ഹിന്ദു സ്ത്രീകളുടെ ഘൂംഘടും നിരോധിക്കണം: ജാവേദ് അക്തർ

മുംബൈ: ഇന്ത്യയിൽ ബുർഖ നിരോധിക്കണമെന്ന ശിവസേനയുടെ പ്രസ്താവനക്ക് മറുപടിയുമായി ജാവേദ് അക്തർ. ബുർഖ നിരോധിച്ചാൽ ഹിന്ദു സ്ത്രീകളുടെ ശിരോവസ്ത്രമായ ഘൂംഘടും നിരോധിക്കണമെന്ന് ഗാനരചയിതാവും തിരക്കഥാകൃത്തുമായ ജാവേദ് അക്തർ പറഞ്ഞു.

ഈസ്റ്റർ ദിനത്തിൽ ഉണ്ടായ ആക്രമണത്തെ തുടർന്ന് ശ്രീലങ്കയിൽ ബുർഖ നിരോധിച്ചതിനെ തുടർന്നാണ് മുഖപത്രമായ സാമ്‌നയിലൂടെ ബുർഖ നിരോധിക്കണമെന്ന് ശിവസേന ആവശ്യപ്പെട്ടത്. ബുർഖ വിലക്കുന്നതുകൊണ്ട് വിരോധമില്ല എന്നാൽ ഘൂംഘടും വിലക്കണം. രാജസ്ഥാനിൽ അവസാനഘട്ട തെരഞ്ഞെടുപ്പ് നടക്കുന്നതിന് മുൻപ് തന്നെ ഹിന്ദു സ്ത്രീകൾ മുഖം മറക്കാൻ ഉപയോഗിക്കുന്ന ഘൂംഘട് നിരോധിക്കണമെന്ന് ജാവേദ് അക്തർ ആവശ്യപ്പെട്ടു.