ബംഗലൂരു: കര്‍ണാടകത്തില്‍ സര്‍ക്കാരുണ്ടാക്കുന്നത് നിയമയുദ്ധത്തിലേക്ക് നീങ്ങുന്നു. ഗവര്‍ണര്‍ വാജുഭായ് വാല തങ്ങളെ കാണാന്‍ കൂട്ടാക്കുന്നില്ലെന്ന് കോണ്‍ഗ്രസ് നേതാക്കള്‍ മാധ്യമങ്ങളോട് പറഞ്ഞു. പ്രതിഷേധത്തിന് ഒരുങ്ങുന്നതിനിടെ ഇന്ന് വൈകീട്ട് കോൺഗ്രസ് അംഗങ്ങളെ കാണാമെന്ന് ഗവർണർ അറിയിച്ചിട്ടുണ്ട്.
Samayam Malayalamഗവർണർ ഇന്ന് കോൺഗ്രസ് നേതാക്കളെ കാണും
സര്‍ക്കാര്‍ ഉണ്ടാക്കാനുള്ള എംഎല്‍എമാര്‍ കോണ്‍ഗ്രസിന് ഒപ്പമാണ്. ബിജെപിക്ക് വേണ്ടത്ര അംഗങ്ങളില്ലെന്നും ഗുലാം നബി ആസാദ് പറഞ്ഞു. ഗവര്‍ണര്‍ ബിജെപിയെ സര്‍ക്കാരുണ്ടാക്കാന്‍ ക്ഷണിച്ചാല്‍ സുപ്രീംകോടതിയെ സമീപിക്കുമെന്നും ഗുലാം നബി ആസാദ് പറഞ്ഞു.
ഇന്ന് ഉച്ചയ്ക്ക് 12 മണി മുതല്‍ ഗവര്‍ണറെ കാണാന്‍ അപേക്ഷ നല്‍കി കാത്തിരിക്കുകയാണെന്ന് കോണ്‍ഗ്രസ് നേതാക്കള്‍ പറഞ്ഞു. ഇനിയും ഗവര്‍ണര്‍ ഭരണഘടനയ്ക്ക് വിരുദ്ധമായി പെരുമാറിയാല്‍ നാളെ രാജ് ഭവന് മുന്‍പില്‍ കോണ്‍ഗ്രസ് എംഎല്‍എമാര്‍ ധര്‍ണ നടത്തും. എംപിമാരും അവര്‍ക്കൊപ്പം ചേരും, കോണ്‍ഗ്രസ് വൃത്തങ്ങള്‍ വാര്‍ത്താ ഏജന്‍സി എഎന്‍ഐയോട് പറഞ്ഞു.
നേരത്തെ ബിജെപി സര്‍ക്കാര്‍ ഉണ്ടാക്കാന്‍ സമ്മര്‍ദ്ദം ചെലുത്തിയപ്പോഴും കോണ്‍ഗ്രസ് ഇക്കാര്യം വ്യക്തമാക്കിയിരുന്നതാണ്. കര്‍ണാടകത്തിലെ കോണ്‍ഗ്രസിന്‍റെ ചുമതലയുള്ള കെ.സി വേണുഗോപാല്‍ ബിജെപിക്ക് എതിരെ കോടതിയെ സമീപിക്കുമെന്ന് നേരത്തെ തന്നെ പറഞ്ഞിരുന്നു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
