വാലൻ്റൈൻസ് ദിനത്തിൽ ബൈക്കില്ലാത്തതില്‍ കാമുകി പരിഹസിച്ചു; യുവാവ് മോഷ്‌ടിച്ചത് എട്ട് ബൈക്കുകൾ

ന്യൂഡൽഹി: വാലൻ്റൈൻസ് ദിനത്തിൽ ബൈക്കില്ലാത്തതിൻ്റെ പേരിൽ കാമുകി പരിഹസിച്ചതിനെ തുടർന്ന് ബൈക്കുകൾ മോഷ്‌ടിച്ച കാമുകൻ അറസ്‌റ്റിൽ. എട്ട് ബൈക്കുകൾ മോഷ്‌ടിച്ച ലളിത് എന്ന യുവാവാണ് അറസ്‌റ്റിലായത്. ഇയാളുടെ സഹായിയും സുഹൃത്തുമായ സഹീദ് എന്നയാളും പിടിയിലായി.

Also Read: യെസ് ബാങ്ക്; റാണ കപുറിൻറെ കുടുംബാംഗങ്ങളിലേക്കും അന്വേഷണം

ലളിതും സഹീദും ചേർന്നാണ് ബൈക്കുകൾ മോഷ്‌ടിച്ചതെന്ന് പോലീസ് വ്യക്തമാക്കി. നമ്പർ പ്ലേറ്റ് ഇല്ലാത്ത ബൈക്കിൽ സഞ്ചരിച്ചതാണ് ഇവർക്ക് തിരിച്ചടിയായത്. രഹസ്യ വിവരത്തെ തുടർന്ന് പിന്തുടർന്ന് എത്തിയ പോലീസ് ബൈക്ക് തടഞ്ഞു. പരിശോധനയിൽ ഫെബ്രുവരി 21 ന് ഡല്‍ഹിയിലെ ബിന്ദാപുരില്‍ നിന്ന് മോഷണം പോയ 1.8 ലക്ഷം വിലയുള്ള ബൈക്കാണിതെന്ന് വ്യക്തമായി.

സ്‌റ്റേഷനിലെത്തിച്ച് വിശദമായ ചോദ്യം ചെയ്യൽ നടത്തിയതോടെയാണ് യുവാക്കൾ മോഷണ വിവരം വെളിപ്പെടുത്തിയത്. കഴിഞ്ഞ വാലൻ്റൈൻസ് ദിനത്തിലാണ്‌ ബൈക്കില്ലാത്തതിന്റെ പേരില്‍ കാമുകി പരിഹസിച്ചു. ഇതോടെയാണ് ഇരുചക്രവാഹനങ്ങൾ മോഷ്‌ടിച്ചത്. വ്യത്യസ്‌ത തരത്തിലുള്ളവ സ്വന്തമാക്കുന്നതിനാണ് ബൈക്കുകൾക്കൊപ്പം സ്‌കൂട്ടറുകളും മോഷ്‌ടിച്ചതെന്ന് ലളിത് പറഞ്ഞു.

Also Read: കാസര്‍ഗോഡ്‌ കാട്ടുപന്നിയുടെ കുത്തേറ്റ ഗൃഹനാഥന്‍ മരിച്ചു

മോഷണം നടത്താൻ ലളിതിനെ സഹായം നൽകിയത് സഹീദ് ആണ്. മോഷ്‌ടിച്ച ബൈക്കുകൾ പോലീസ് കണ്ടെത്തി. ബിഹാര്‍ സ്വദേശിയാണ് ലളിതിന് ഒമ്പതാംക്ലാസ് വിദ്യാഭ്യാസം മാത്രമാണ് ഇയാള്‍ക്കുള്ളത്. പ്രതികൾക്കെതിരെ തുടർ നടപടികൾ സ്വീകരിക്കുമെന്ന് പോലീസ് വ്യക്തമാക്കി.