''അവഹേളിക്കുന്നവര്‍ക്കെതിരെ നടപടിയെ‍ടുക്കാനുളള അധികാരം വേണം''

ന്യൂഡല്‍ഹി: തിരഞ്ഞെടുപ്പ് കമ്മീഷനെ അവഹേളിക്കുന്നവര്‍ക്കെതിരെ നടപടിയെടുക്കാനുള്ള അധികാരം നല്‍കണമെന്ന് ആവശ്യപ്പെട്ട് കമ്മീഷന്‍ നിയമ മന്ത്രാലയത്തിന് കത്തയച്ചു. 1971 ലെ കോടതിയലക്ഷ്യ നിയമത്തില്‍ ഭേദഗതി വരുത്തി തിരഞ്ഞെടുപ്പ് കമ്മീഷനെ അവഹേളിക്കുന്ന വ്യക്തികള്‍ക്കോ, സംഘടനകള്‍ക്കോ എതിരെ നടപടിയെടുക്കാനുള്ള അധികാരം നല്‍കണമെന്നാണ് കമ്മീഷന്‍ ആവശ്യപ്പെട്ടിരിക്കുന്നത്.

കഴിഞ്ഞമാസമാണ് ഇത്തരമൊരു കത്ത് കമ്മീഷന്‍ നിയമമന്ത്രാലയത്തിന് അയച്ചിരിക്കുന്നത്. പാകിസ്താനിലെ തിരഞ്ഞെടുപ്പ് കമ്മീഷന് ഇത്തരത്തിലുള്ള അധികാരങ്ങളുണ്ടെന്നും കത്തില്‍ സൂചിപ്പിക്കുന്നു. തിരഞ്ഞെടുപ്പ് കമ്മീഷന്റെ സ്വാതന്ത്ര്യത്തില്‍ ആംആദ്മി പാര്‍ട്ടിയുള്‍പ്പെടെയുള്ള കക്ഷികള്‍ സംശയം പ്രകടിപ്പിച്ചിരുന്നു.

തിരഞ്ഞെടുപ്പ് കമ്മീഷണര്‍ ഒ പി റാവത്തിനെതിരെ ബിജെപി ബന്ധം ആരോപിച്ച് കെജ്‌രിവാള്‍ രംഗത്ത് വരികയും ചെയ്തിരുന്നു. കൂടാതെ ഇലക്ട്രോണിക് വോട്ടിങ് യന്ത്രത്തിന്റെ വിശ്വാസ്യത ചോദ്യം ചെയ്യുകയും യന്ത്രം ഹാക്ക് ചെയ്യാന്‍ സാധിക്കുമെന്നുവരെയുള്ള ആരോപണവുമുയര്‍ന്നിരുന്നു. ഇതൊക്കെയാണ് പുതിയ നീക്കത്തിന് പിന്നിലുള്ളതെന്നാണ് സൂചന.

Give us contempt powers to act against those out to sully our image: EC to Govt

The Election Commission (EC) has written to the Law Ministry, against those questioning the poll panel’s credibility through unfounded allegations.