പനാജി: അഞ്ച് സംസ്ഥാനങ്ങളിലേക്കുള്ള നിയമസഭാ തെരഞ്ഞെടുപ്പിൽ ഗോവയിൽ ഫലം മാറിമറിയുന്നു. ഗോവയിൽ ബിജെപി ഭരണം സ്വന്തമാക്കുമെന്നാണ് ഏറ്റവും പുതിയ റിപ്പോർട്ട്. ആദ്യ ഫലസൂചനകൾ പുറത്തുവന്നപ്പോൾ സംസ്ഥാനത്ത് കോൺഗ്രസ് ഭരണം നിലനിർത്തുമെന്ന് പ്രതീക്ഷയുണ്ടായെങ്കിലും ലീഡ് നില മാറിമറിയുകയായിരുന്നു. ഏറ്റവും അവസാനം ഫലം ലഭിക്കുമ്പോൾ 40 സീറ്റുള്ള ഗോവ നിയമസഭയിൽ ബിജെപി 20 സീറ്റുകളുമായി ശക്തമായ മുന്നേറ്റം നടത്തിയപ്പോൾ കോൺഗ്രസ് 12 സീറ്റുകളിലൊതുങ്ങി. ആം ആദ്മി പാർട്ടി 1 സീറ്റുകളുമായി ഭേദപ്പെട്ട പ്രകടനം പുറത്തെടുത്തപ്പോൾ 7 സീറ്റുകളിൽ മറ്റുള്ളവരാണ് മുന്നിൽ. സർക്കാർ രൂപീകരണത്തിൽ സ്വതന്ത്രരുടെ നിലപാട് നിർണായകമാകും.
ആദ്യഘട്ടത്തിൽ കോൺഗ്രസ് മുന്നേറ്റം നടത്തിയെങ്കിലും മിനിറ്റുകൾക്ക് ശേഷം ബിജെപി ലീഡ് സ്വന്തമാക്കുകയായിരുന്നു. ബിജെപിയും കോൺഗ്രസും ശക്തമായ മുന്നേറ്റം നടത്തുമെന്ന് പ്രതീക്ഷിച്ച പഞ്ചാബിൽ ആം ആദ്മി പാർട്ടി അധികാരം പിടിക്കുമെന്ന് ഉറപ്പായി.
ആദ്യഘട്ടത്തിൽ കോൺഗ്രസ് മുന്നേറ്റം നടത്തിയെങ്കിലും മിനിറ്റുകൾക്ക് ശേഷം ബിജെപി ലീഡ് സ്വന്തമാക്കുകയായിരുന്നു. ബിജെപിയും കോൺഗ്രസും ശക്തമായ മുന്നേറ്റം നടത്തുമെന്ന് പ്രതീക്ഷിച്ച പഞ്ചാബിൽ ആം ആദ്മി പാർട്ടി അധികാരം പിടിക്കുമെന്ന് ഉറപ്പായി.