മുത്തൂറ്റ് ഫിനാൻസ് ശാഖയിൽ തോക്കൂ ചൂണ്ടി കൊള്ള; 7 കോടിയുടെ സ്വർണം കവർന്നു

കൃഷ്ണഗിരി: തമിഴ്നാട്ടിലെ മുത്തൂറ്റ് ഫിനാൻസ് ശാഖയിൽ കയറിയ അക്രമി സംഘം തോക്കു ചൂണ്ടി വൻ കവര്‍ച്ച നടത്തിയതായി റിപ്പോര്‍ട്ട്. ജീവനക്കാരെ ആക്രമിച്ച് ഏഴു കോടിരൂപയോളം കവര്‍ന്നെന്നാണ് വിവരം.

കൃഷ്ണഗിരി ഹൊസൂര്‍ ശാഖയിലാണ് മോഷണം നടന്നത്. രാവിലെ സ്ഥാപനം തുറന്നയുടനെയാണ് മോഷണം നടന്നതെന്നാണ് ഏഷ്യാനെറ്റ് ന്യൂസ് റിപ്പോര്‍ട്ട്. മുഖം മൂടി ധരിച്ചെത്തിയ ആറംഗ സംഘം ജീവനക്കാരെ തോക്കുചൂണ്ടി നിസ്സഹായരാക്കിയ ശേഷമായിരുന്നു കവർച്ച. സംഘം സ്ഥാപനത്തിലുള്ളവരെ കെട്ടിയിട്ട ശേഷം സ്വര്‍ണവും പണവുമായി കടക്കുകയായിരുന്നു. സ്ഥാപനത്തിലെ സുരക്ഷാ ഉദ്യോഗസ്ഥനെ തോക്കു ചൂണ്ടി ഭീഷണിപ്പെടുത്തിയ സംഘം ഉള്ളിൽ കടക്കുകയായിരുന്നു. ബ്രാഞ്ച് മാനേജറെയടക്കം കസേരകളിൽ കെട്ടിയിട്ട ശേഷം ലോക്കര്‍ തുറന്ന് സംഘം കോടികളുടെ സ്വര്‍ണം കൈക്കലാക്കുകയായിരുന്നു.

Also Read: സിഎജിക്കെതിരെ നിയമസഭയിൽ പ്രമേയം; സ്പീക്കര്‍ക്കെതിരെ പ്രതിപക്ഷം നടുത്തളത്തിൽ

സിസിടിവി ദൃശ്യങ്ങള്‍ പരിശോധിച്ച് പണം കവര്‍ന്നത് ആരെന്നു കണ്ടെത്താനുള്ള ശ്രമത്തിലാണ് അധിക‍തര്‍. അന്വേഷണം തുടരുകയാണെന്നും ജില്ലാ പോലീസ് മേധാവിയുടെ നേതൃത്വത്തിലാണ് അന്വേഷണം നടക്കുന്നതെന്നും പോലീസ് അറിയിച്ചു.