ഹജ് സബ്‍‍സിഡി നിര്‍ത്തലാക്കി

ന്യൂഡൽഹി: കേന്ദ്രസര്‍ക്കാര്‍ ഹജ് സബ്സിഡി നിര്‍ത്തലാക്കി. സ‍ബ്‍‍സിഡിയായി നല്‍കിയിരുന്ന 700 കോടിയോളം രൂപ ന്യൂനപക്ഷ വിദ്യാര്‍ത്ഥിനികളുടെ വിദ്യാഭ്യാസത്തിനായി ചിലവഴിക്കാനാണ് സര്‍ക്കാര്‍ നീക്കം. ഘട്ടം ഘട്ടമായി സ‍ബ്‍‍സിഡി നിര്‍ത്തലാക്കാൻ 2012ൽ കേന്ദ്രസര്‍ക്കാരിന് സുപ്രീം കോടതി നിര്‍ദേശം നല്‍കിയിരുന്നു. എന്നാൽ 2022 വരെ കോടതി നല്‍കിയ കാലാവധി തികയും മുൻപേയാണ് സര്ക്കാര‍് നടപടി.

2018ഓടെ ഹജ് സബ്സിഡി നിർത്തലാക്കുമെന്ന് ഹജ് സബ്സിഡി, ഹജ് സേവന പുനരവലോകന സമിതി യോഗത്തിൽ കേന്ദ്രസർക്കാർ പ്രഖ്യാപിച്ചിരുന്നു.

ഹജ് യാത്രയുടെ വിമാനക്കൂലിയിനത്തിൽ വിമാനക്കമ്പനികള്‍ക്ക് സര്‍ക്കാര്‍ നല്‍കുന്ന സബ്സിഡിയാണ് ഹജ് സബ്സിഡി എന്ന് അറിയപ്പെടുന്നത്. 1974ൽ ഇന്ദിരാ ഗാന്ധിയാണ് ഈ പദ്ധതിയ്ക്ക് തുടക്കമിട്ടത്. എന്നാൽ ഈ പതിവ് നിര്‍ത്തി തുക പാവപ്പെട്ട മുസ്ലിങ്ങളടെ ഉന്നമനത്തിനായി ഉപയോഗിക്കാമെന്ന് 2012ൽ സുപ്രീം കോടതി വ്യക്തമാക്കുകയായിരുന്നു.