സർക്കാർ ഗോ മൂത്രം സംഭരിക്കണമെന്ന് 'ഗോ സേവാ ആയോഗ്'

റായ്‌പൂർ: പ്രായമായ പശുക്കളെ കർഷകർ ഉപേക്ഷിക്കുന്നത് തടയാൻ കർഷകരിൽ നിന്ന് സർക്കാർ ഗോ മൂത്രം വാങ്ങണമെന്ന് ഛത്തീസ്‍ഗഢ് സര്‍ക്കാരിന് ശുപാര്‍ശ. സർക്കാർ നിയോഗിച്ച ഗോ സേവാ ആയോഗ് എന്ന സമിതിയാണ് ലിറ്ററിന് പത്ത് രൂപ നിരക്കിൽ ഗോ മൂത്രം സർക്കാർ സംഭരിക്കണമെന്ന നിർദേശം മുന്നോട്ട് വെച്ചത്.

ഗോ മൂത്രത്തിൽ നിന്നും വളവും കീടനാശിനിയും ഉല്‍പാദിപ്പിക്കുന്നത് സംബന്ധിച്ച ഗവേഷണങ്ങൾക്ക് സംഭരിക്കുന്ന ഗോമൂത്രം ഉപയോഗിക്കാം. കഴിഞ്ഞ ദിവസം ബിജെപി നേതാവ് നടത്തുന്ന ഗോശാലയിലെ 200 പശുക്കൾ പട്ടിണി കിടന്ന് ചത്തു പോയിരുന്നു.

ഗോമൂത്രം സർക്കാർ സംഭരിച്ചാൽ കർഷകർക്ക് സാമ്പത്തിക നേട്ടമുണ്ടാകുമെന്നും പ്രായമായ പശുക്കളെ അങ്ങനെ അവർ സംരക്ഷിക്കുമെന്നും സമിതി ചൂണ്ടിക്കാട്ടി. പാൽ ലഭിക്കാത്തത് മൂലമാണ് കർഷകർ പശുക്കളെ ഉപേക്ഷിക്കുന്നതെന്നും സമിതി ചൂണ്ടിക്കാട്ടി.

Government should collect cow urine, recommends study team

Go seva Ayog, a study team appointed by the Chattisgarh government recommends to collect cow urine