ജനങ്ങളുടെ ഓണ്‍ലൈന്‍ ഷോപ്പിങ് ശീലം പഠിക്കാന്‍ സര്‍ക്കാര്‍

ന്യൂഡല്‍ഹി: ജനങ്ങളുടെ ഓണ്‍ലൈന്‍ ഷോപ്പിങ് ശീലം പഠിക്കാന്‍ കേന്ദ്ര സര്‍ക്കാര്‍ ഒരുങ്ങുന്നു. ഇ-കൊമേഴ്‍സ് സൈറ്റുകളിലൂടെ ഷോപ്പിങ് നടത്തുന്നവരുടെ ഇടയില്‍ സര്‍വേ നടത്തി കാര്യങ്ങള്‍ മനസിലാക്കാനാണ് സര്‍ക്കാരിന്‍റെ ശ്രമം. പരിപാടിക്ക് അടുത്ത മാസം തുടക്കമാകും.

ജൂലൈയിലാണ് കേന്ദ്ര സ്റ്റാറ്റിസ്‍റ്റിക്സ് വകുപ്പിനു കീഴിലുള്ള നാഷനല്‍ സാമ്പിള്‍ സര്‍വേ ഓര്‍ഗനൈസേഷന്‍ ഉപഭോക്തൃ സര്‍വേ നടത്തുന്നത്. ഇത് 2018 ജൂണ്‍ വരെ തുടരും. വിവിധ സാധനങ്ങള്‍ക്ക് ഗ്രാമ-നഗര പ്രദേശങ്ങളിലുള്ള ഗാര്‍ഹിക ഉപഭോക്താക്കള്‍ എങ്ങനെയാണ് പണം ചിലവിടുന്നത് എന്ന് കണ്ടെത്തുകയാണ് സര്‍വേയുടെ ലക്ഷ്യം.

ഓണ്‍ലൈന്‍ സാധനവില്‍പ്പന രാജ്യത്ത് വര്‍ധിച്ചുവരുന്നതിനാല്‍ ഇതുകൂടി സര്‍വേയുടെ ഭാഗമാക്കണമെന്നാണ് ഉദ്യോഗസ്ഥരുടെ അഭിപ്രായം. ഓണ്‍ലൈന്‍ വില്‍പ്പനയുടെ വിവരങ്ങളും സാമ്പത്തിക സ്ഥിതിവിവരക്കണക്കിന്‍റെ ഭാഗമാക്കാന്‍ ഇതിലൂടെ സാധിക്കും.

റെഡ് സീര്‍ കണ്‍സള്‍ട്ടിങ് എന്ന കമ്പനി നടത്തിയ പഠനപ്രകാരം 2016ല്‍ ഇന്ത്യയുടെ ഇ-കൊമേഴ്‍സ് വിപണിയില്‍ ഏതാണ്ട് 1 ലക്ഷം കോടി രൂപയുടെ കച്ചവടമാണ് നടക്കുന്നത്. എന്നാല്‍, 50 ലക്ഷം കോടിയോളം രൂപയുടെ കച്ചവടം ഇന്ത്യയിലെ ചെറുകിട വിപണിയില്‍ മൊത്തമായി നടക്കുന്നുണ്ട്. വരും വര്‍ഷങ്ങളില്‍ ഇ-വിപണി വലിയ വളര്‍ച്ച കൈവരിക്കുമെന്നാണ് കരുതപ്പെടുന്നത്.

Government to start mapping your online shopping habits

Shop online? The government of India (GoI) wants to know the details. Starting next month, government surveys on expenditure will, for the first time, ask questions on ecommerce spending habits.