കശ്മീരില്‍ ഗവര്‍ണര്‍ക്ക് പണിയൊന്നുമില്ല, വീഞ്ഞ് കുടിക്കും, ഗോള്‍ഫ് കളിക്കും: സത്യ പാല്‍ മാലിക്

ബാഗ്പദ്: രാജ്യത്തെ ഗവര്‍ണര്‍മാര്‍ക്ക് പണിയൊന്നുമില്ലെന്ന് ഗോവ ഗവര്‍ണര്‍ സത്യ പാല്‍ മാലിക്. ജമ്മു കശ്മീരിലെ ഗവര്‍ണറുടെ ജോലി വീഞ്ഞു കുടിക്കലും ഗോള്‍ഫ് കളിക്കലുമാണെന്ന് അദ്ദേഹം പറഞ്ഞു. ജമ്മു കശ്മീരിലെ മുന്‍ ഗവര്‍ണര്‍ കൂടി ആയിരുന്ന സത്യ പാല്‍ മാലിക് ആണ് ഇത്തരത്തിലൊരു പ്രസ്താവന നടത്തിയെന്നത് ശ്രദ്ധേയമാണ്. ഉത്തര്‍പ്രദേശിലെ ബാഗ്പദില്‍ വെച്ചു നടന്ന ഒരു പൊതുപരിപാടിയ്ക്കിടെയാണ് അദ്ദേഹത്തിന്റെ ഈ പ്രസ്താവന.

Also Read: റോമിലെ ആളൊഴിഞ്ഞ തെരുവിലൂടെ ദേവാലയത്തിലേക്ക് മാര്‍പ്പാപ്പ ഒറ്റയ്ക്ക്; ചിത്രങ്ങളില്‍ പ്രതിഫലിക്കുന്നത് കൊവിഡ് ഭീതിയും ആശങ്കയും


'ഗവര്‍ണര്‍മാര്‍ക്ക് യാതൊരു ജോലിയുമില്ല. കശ്മീര്‍ ഗവര്‍ണറായ ഒരാള്‍ സാധാരണയായി വീഞ്ഞു കുടിക്കുകയും ഗോള്‍ഫ് കളിക്കുകയും ചെയ്യുന്നു. മറ്റു സംസ്ഥാനങ്ങളില്‍ നിന്നുള്ള ഗവര്‍ണര്‍മാര്‍ തര്‍ക്കങ്ങളില്‍ നിന്നും വിട്ടുനില്‍ക്കുന്നു', സത്യ പാല്‍ മാലിക് ഒരു പൊതുപരിപാടിയ്ക്കിടെ പറഞ്ഞു.