ആരോഗ്യത്തിന് ഹാനികരമായിട്ടുള്ള 6000ത്തോളം മരുന്നുകൾ നിരോധിച്ചു

ആരോഗ്യത്തിന് ഹാനികരമായിട്ടുള്ള 6000ത്തോളം മരുന്നുകൾ കേന്ദ്ര ആരോഗ്യ മന്ത്രാലയം നിരോധിച്ചു. ചുമ, പനി, പ്രമേഹം എന്നിവയ്ക്ക് ഉപയോഗിക്കുന്ന 444 മരുന്നു സംയുക്തങ്ങളാണ് നിരോധിച്ചിരിക്കുന്നത്. ഈ മരുന്നുകൾ ഉൾപ്പെടുന്ന ആറായിരത്തോളം ബ്രാൻഡുകൾ നിർമ്മിക്കാനോ വിൽക്കാനോ ഉള്ള സാധ്യത കുറവായിരിക്കും.

കഴിഞ്ഞ വർഷം മാർച്ചിൽ പാരസെറ്റമോള്‍, കഫീന്‍, അമോക്‌സിസിലിന്‍ തുടങ്ങിയ മരുന്നുകൾ നിരോധിച്ചതിനെതിരെ വിവിധ ഹൈക്കോടതികളിൽ നടന്ന കേസുകൾ സുപ്രീം കോടതി സ്റ്റേ ചെയ്തതോടെയാണ് വീണ്ടും നിരോധനത്തിനുള്ള വിജ്ഞാപനം പുറപ്പെടുവിച്ചത്. ഡ്രഗ്സ് കൺട്രോളറുടെ വെബ്സെറ്റിൽ വെള്ളിയാഴ്ചയാണ് നിരോധനം പ്രസിദ്ധീകരിച്ചത്.

ആരോഗ്യത്തെ ദോഷമായി ബാധിക്കുന്ന തരത്തിലുള്ള സംയുക്തങ്ങള്‍ ചേര്‍ത്താണ് പല മരുന്നുകളും നിര്‍മിക്കുന്നതെന്ന് ഇതു സംബന്ധിച്ചു പഠനം നടത്തിയ വിദഗ്ധസമിതി ചൂണ്ടികാട്ടിയിരുന്നു. ചുമയ്ക്കുള്ള ചില മരുന്നുകൾ ലഹരിക്കായി ഉപയോഗിക്കുന്നെണ്ടെന്നും സമിതി കണ്ടെത്തി.

ആറായിരത്തോളം വരുന്ന സംയുക്തങ്ങള്‍ പരിശോധിച്ചാണ് നിരോധനത്തിനുള്ള തീരുമാനമെടുത്തിരിക്കുന്നത്. കഴിഞ്ഞ വർഷം സുപ്രീം കോടതി സ്റ്റേ ഉണ്ടായിരുന്നിട്ടും ഒന്നര വര്‍ഷത്തിനിടെ നിരോധനമേർപ്പെടുത്തിയ മരുന്നുകള്‍ ധാരാളം വിറ്റഴിച്ചതായാണ് റിപ്പോർട്ട്. കര്‍ണാടക കെഎല്‍ഇ സര്‍വകലാശാല വൈസ് ചാന്‍സലര്‍ ചന്ദ്രകാന്ത് കൊകാതെയുടെ നേതൃത്വത്തിലുള്ള ആറംഗ കമ്മിറ്റിയാണു മരുന്നുകൾ പഠനത്തിന് വിധേയമാക്കിയത്.

Govt banned 444 combination of drugs

The Health Ministry banned 444 fixed drug combinations through a notification.