ജിഎസ്‍ടി നികുതി കുറച്ചു: ഈ ഉല്‍പ്പന്നങ്ങള്‍ക്ക് വില കുറയും

ന്യൂഡല്‍ഹി: ജിഎസ്‍ടി കൗണ്‍സില്‍ വിവിധ ഉല്‍പ്പന്നങ്ങളുടെ ചരക്കുസേവന നികുതി കുറച്ചു. സാനിറ്ററി പാഡുകള്‍ക്ക് ഏര്‍പ്പെടുത്തിയിരുന്ന 12 ശതമാനം നികുതി പൂര്‍ണണമായും ഒഴിവാക്കി. നീണ്ടകാലത്തെ പ്രതിഷേധത്തിന് ശേഷമാണ് സര്‍ക്കാര്‍ സാനിറ്ററി നാപ്‍കിനുകളുടെ നികുതി ഒഴിവാക്കിയത്. ധനകാര്യമന്ത്രി പിയൂഷ് ഗോയല്‍ ആണ് നിരക്കുകള്‍ മാധ്യമങ്ങളോട് വിവരിച്ചത്.

ജിഎസ്‍ടി കുറച്ചപ്പോള്‍ വില കുറയുന്ന ഉല്‍പ്പന്നങ്ങള്‍ എന്തെല്ലാം;

• പാദരക്ഷ
• ചെറിയ ടെലിവിഷന്‍
• വാട്ടര്‍ ഹീറ്റര്‍
• ഇലക്ട്രോണിക് തേപ്പുപെട്ടി
• ഫ്രിഡ്‍ജ്‍
• ലിഥിയം അയണ്‍ ബാറ്ററി
• ഹെയര്‍ ഡ്രയര്‍
• വാക്വം ക്ലീനര്‍
• ഭക്ഷണമുണ്ടാക്കുന്നതിനുള്ള ഉപകരണങ്ങള്‍
• എഥനോള്‍

എഥനോളിന് 5 ശതമാനമായാണ് ജിഎസ്‍ടി കുറച്ചത്.

ചുണ്ണാമ്പുകല്ല്, കോട്ട-സ്റ്റോണ്‍, മണല്‍ക്കല്ല് എന്നിവയ്ക്ക് 12 ശതമാനമാണ് ജിഎസ്‍ടി (മുന്‍പ് 18 ആയിരുന്നു)

500 രൂപ മുതല്‍ 1000 രൂപവരെയുള്ള പാദരക്ഷകള്‍ക്ക് 5 ശതമാനമാണ് പുതിയ ജിഎസ്‍ടി.

പെയിന്‍റ്, വാഷിങ് മെഷീന്‍, സ്റ്റോറേജ് വാട്ടര്‍ ഹീറ്റര്‍, ഫ്രിഡ്‍ജ്‍, 68 സെന്‍റി മീറ്റര്‍വരെയുള്ള ടെലിവിഷന്‍ എന്നിവയ്ക്ക് 28 ശതമാനത്തില്‍ നിന്ന് 18 ശതമാനമാക്കി ജിഎസ്‍ടി കുറച്ചു.

ഓഗസ്റ്റ് 4ന് ആണ് അടുത്ത ജിഎസ്‍ടി കൗണ്‍സില്‍ മീറ്റിങ്.