ദളിതര്‍ക്കെതിരായ അക്രമം ഗുജറാത്തില്‍ കുറവെന്ന് അമിത് ഷാ

ന്യൂഡല്‍ഹി: ഇന്ത്യയില്‍ ദളിതര്‍ക്കെതിരായ അക്രമം ഏറ്റവും കുറവുള്ള സംസ്ഥാനങ്ങളില്‍ ഒന്നാണ് ഗുജറാത്ത് എന്ന് ബിജെപി ദേശീയ പ്രസിഡന്‍റ് അമിത് ഷാ. വരാനിരിക്കുന്ന ഗുജറാത്ത് തെരഞ്ഞെടുപ്പിന്‍റെ പ്രചരണപ്രവര്‍ത്തനങ്ങള്‍ക്കായി സംസ്ഥാനത്ത് എത്തിയതായിരുന്നു അമിത് ഷാ.

പട്ടേല്‍ സംവരണ പ്രക്ഷോഭങ്ങളെക്കുറിച്ചുള്ള ചോദ്യത്തിന്, തെരഞ്ഞെടുപ്പിനോട് അടുക്കുമ്പോള്‍ പ്രക്ഷോഭം ഒരു പ്രത്യേക രാഷ്ട്രീയ പാര്‍ട്ടിയുമായി അടുക്കുമെന്നായിരുന്നു അമിത് ഷായുടെ പ്രതികരണം. കഴിഞ്ഞ മാസം പ്രധാന മന്ത്രി നരേന്ദ്ര മോദിയാണ് ബിജെപിയുടെ തെരഞ്ഞെടുപ്പ് പ്രചാരണപ്രവര്‍ത്തനങ്ങള്‍ക്ക് തുടക്കംകുറിച്ചത്.

യുവാക്കള്‍ക്കിടയില്‍ ബിജെപിയുടെ സ്വാധീനം വര്‍ധിപ്പിക്കാനായി നിരവധി പ്രവര്‍ത്തനങ്ങളാണ് പാര്‍ട്ടി നടത്തുന്നത്. ഇതിനായി അധിഖാം ഗുജറാത്ത് യുവ ടൗണ്‍ ഹാള്‍ എന്ന പേരില്‍ സംഘടിപ്പിക്കുന്ന പരിപാടിയില്‍ അമിത് ഷാ ഒന്നര ലക്ഷത്തോളം യുവാക്കളുമായി ഓണ്‍ലൈനില്‍ സംവദിക്കും. സംസ്ഥാനത്തിന്‍റെ 250 ഭാഗങ്ങളില്‍നിന്ന് 16-35 പ്രായപരിധിയിലുള്ള യുവാക്കളാണ് പരിപാടിയില്‍ പങ്കെടുക്കുന്നത്.

Gujarat among those states that witness minimum Dalit atrocities: Amit Shah

On being questioned about Una Dalit flogging, the BJP President said the state of Gujarat witnesses the least amount of Dalit atrocities in India. “Gujarat is among those states in India that witness minimum Dalit atrocities,” Shah said.