അഹമ്മദാബാദ്: ഗുജറാത്തിൽ ഒരു കോൺഗ്രസ് എംഎൽഎകൂടി രാജിവെച്ച് ബിജെപിയിൽ ചേർന്നു. മുതിർന്ന കോൺഗ്രസ് നേതാവും മനവാദർ എംഎൽഎയുമായ ജവഹർ ചാവ്ദയാണ് രാജിവെച്ചിരിക്കുന്നത്. നേരത്തെ എംഎൽഎ സ്ഥാനം രാജിവെച്ച രണ്ട് എംഎൽഎമാർ ബിജെപിയിൽ ചേർന്നിരുന്നു. അടുത്തയാഴ്ച ഗുജറാത്തിൽവെച്ച് എഐസിസി സമ്മേളനം ചേരാനിരിക്കെയാണ് ഗുജറാത്ത് കോൺഗ്രസിലെ നീക്കങ്ങൾ. നാലുവട്ടം മനവദാറിൽനിന്നും നിയമസഭയിലെത്തിയിട്ടുള്ള ജവഹറിന് ചാവ്ദ ആഹിർ സമുദായത്തിൽ മുഖ്യസ്ഥാനവുമുണ്ട്. ജവഹർ രാജിക്കത്ത് കൈമാറിയ വിവരം സ്പീക്കറാണ് പുറത്തുവിട്ടത്.
കഴിഞ്ഞവർഷം ജുലൈയിൽ മുതിർന്ന കോൺഗ്രസ് നേതാവ് കൻവർജി ബവാലിയ എംഎൽഎ സ്ഥാനം രാജിവെച്ചിരുന്നു. കഴിഞ്ഞ മാസം കോൺഗ്രസ് യുവനേതാവ് ആഷാ പട്ടേലും രാജിവെച്ചിരുന്നു. ഇരുവരും ബിജെപിയിലേക്കാണ് ചേക്കേറിയത്. കൻവർജിക്ക് ബിജെപി മന്ത്രിസഭയിൽ സ്ഥാനം ലഭിക്കുകയും ചെയ്തു.
കഴിഞ്ഞവർഷം ജുലൈയിൽ മുതിർന്ന കോൺഗ്രസ് നേതാവ് കൻവർജി ബവാലിയ എംഎൽഎ സ്ഥാനം രാജിവെച്ചിരുന്നു. കഴിഞ്ഞ മാസം കോൺഗ്രസ് യുവനേതാവ് ആഷാ പട്ടേലും രാജിവെച്ചിരുന്നു. ഇരുവരും ബിജെപിയിലേക്കാണ് ചേക്കേറിയത്. കൻവർജിക്ക് ബിജെപി മന്ത്രിസഭയിൽ സ്ഥാനം ലഭിക്കുകയും ചെയ്തു.