Gujarat Election First Phase Voting Live : ഗുജറാത്തിൽ 60.2 ശതമാനം പോളിങ്; ആദ്യഘട്ട വോട്ടിങ് പൂർത്തിയായി
Gujarat Assembly Poll 2022 First Phase Live Update : 182 അംഗ ഗുജറാത്ത് നിയമസഭയിലേക്കുള്ള ആദ്യ ഘട്ട വോട്ടെടുപ്പ് പുരോഗമിക്കുന്നു. രണ്ട് ഘട്ടങ്ങളിലായാണ് സംസ്ഥാനത്ത് തെരഞ്ഞെടുപ്പ് നടക്കുന്നത്. ആദ്യ ഘട്ടത്തിൽ 89 മണ്ഡലങ്ങളും രണ്ടാം ഘട്ടത്തിൽ 93 മണ്ഡലങ്ങളും വിധിയെഴുതും. ഡിസംബർ അഞ്ചിനാണ് രണ്ടാം ഘട്ട തെരഞ്ഞെടുപ്പ്. രണ്ട് ഘട്ടങ്ങളിലുമായി 1621 സ്ഥാനാർഥികളാണ് മത്സരരംഗത്തുള്ളത്. ഇതിൽ ആദ്യഘട്ടത്തിൽ 788 സ്ഥാനാർഥികൾ ജനവിധി തേടുന്നു. വോട്ടെടുപ്പുമായി ബന്ധപ്പെട്ട തത്സമയ വിവരങ്ങൾ അറിയാം.
ഹൈലൈറ്റ്:
- ഗുജറാത്ത് ഇന്ന് പോളിങ് ബൂത്തിലേക്ക്
- വോട്ടെടുപ്പ് രാവിലെ എട്ട് മുതൽ വൈകീട്ട് 5.30വരെ
- മത്സര രംഗത്ത് 788 സ്ഥാനാർഥികൾ
ഗാന്ധിനഗർ: ഗുജറാത്ത് നിയമസഭ തെരഞ്ഞെടുപ്പ് ആദ്യ ഘട്ട വോട്ടെടുപ്പ് (Gujarat Election 2022 First Phase Voting) പുരോഗമിക്കുന്നു. 19 ജില്ലകളിലെ 89 സീറ്റുകളിലാണ് ആദ്യ ഘട്ട വോട്ടെടുപ്പ് നടക്കുന്നത്. സൗത്ത് ഗുജറാത്ത്, കച്ച്-സൗരാഷ്ട്ര മേഖലകളിലായാണ് ഈ മണ്ഡലങ്ങൾ. 788 സ്ഥാനാർഥികളാണ് മത്സരരംഗത്തുള്ളത്. 2,39,76,670 വോട്ടർമാരാണ് ഒന്നാം ഘട്ടത്തിൽ സമ്മതിദാനം വിനിയോഗിക്കുക. 25,430 പോളിങ് ബൂത്തുകളാണ് (Polling booth) ഇവർക്കായി സജ്ജമാക്കിയിരിക്കുന്നത്.
09.15 PM: ഗുജറാത്ത് യമസഭാ തെരഞ്ഞെടുപ്പിൻ്റെ ആദ്യഘട്ട വോട്ടെടുപ്പിൽ 60.2 ശതമാനം പോളിങ്.
08.45 PM: ഗുജറാത്ത് യമസഭാ തെരഞ്ഞെടുപ്പിൻ്റെ ആദ്യഘട്ട വോട്ടെടുപ്പ് സമാധാനപരമായിരുന്നുവെന്ന് തെരഞ്ഞെടുപ്പ് കമ്മീഷൻ.
08.15 PM:ഗുജറാത്ത് നിയമസഭാ തെരഞ്ഞെടുപ്പിൻ്റെ ആദ്യഘട്ട വോട്ടെടുപ്പ് അവസാനിച്ചു.
07.45 PM: ഗുജറാത്ത് നിയമസഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പിൽ വൈകിട്ട് 5 മണി വരെ 56.88% പോളിങ് രേഖപ്പെടുത്തി.
07.30 PM:ഇവിഎം മെഷീനുകളും വിവിപാറ്റുകളും സീൽ ചെയ്തു.
07.00 PM:ഗുജറാത്ത് നിയമസഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് പൂർത്തിയായി.
06.40 PM:ഗുജറാത്തിലെ ആദ്യഘട്ട വോട്ടെടുപ്പിൽ 52 ശതമാനം പോളിങ്.
06.15 PM: പ്രധാനമന്ത്രി നരേന്ദ്ര മോദി ഗുജറാത്തിലെ അഹമ്മദാബാദിൽ റോഡ് ഷോ നടത്തി.
02.30 PM: ഔദ്യോഗിക കണക്കുകൾ പ്രകാരം ഗുജറാത്ത് നിയമസഭ തെരഞ്ഞെടുപ്പിൽ ഒരു മണിവരെ 34.48 ശതമാനം പോളിങ് രേഖപ്പെടുത്തി.
1.30 PM: രാജ്കോട്ടിൽ 26 പോളിങ് ശതമാനം 26 കടന്നു
12.00 PM: ആം ആദ്മി പാർട്ടി സ്ഥാനാർഥി അൽപേഷ് കതിരിയ വോട്ട് രേഖപ്പെടുത്തുന്നു
11.30 AM: കേന്ദ്രമന്ത്രി ദർശന ജാർദോഷ് വോട്ട് രേഖപ്പെടുത്തുന്നു
10.30 AM: ക്രിക്കറ്റ് താരം രവീന്ദ്ര ജഡേജ വോട്ട് രേഖപ്പെടുത്തുന്നു
9.50 AM: ആദ്യ മണിക്കൂറിൽ 4.92 ശതമാനം പോളിങ്
09.30 AM : ഗുജറാത്ത് ബിജെപി സംസ്ഥാന അധ്യക്ഷൻ സിആർ പാട്ടീൽ വോട്ട് രേഖപ്പെടുത്തുന്നു
09:00 AM: കോൺഗ്രസ് എംഎൽഎ പരേഷ് ധനാനി സൈക്കിളിൽ ഗ്യാസ് സിലിണ്ടറുമായി പോളിങ് ബൂത്തിലേക്ക്
08:40 AM: പോളിങ് ബൂത്തിൽ വോട്ടർമാരുടെ നീണ്ട നിര
പോളിങ് ബൂത്തിൽ വോട്ട് രേഖപ്പെടുത്താനുള്ള വോട്ടർമാരുടെ നിര
08:20 AM : മോർബിയിലെ പോളിങ് ബൂത്തിൽ നിന്നുള്ള ദൃശ്യങ്ങൾ
08:10 AM: ബിജെപി സ്ഥാനാർഥി റിവാബ ജഡേജ വോട്ട് രേഖപ്പെടുത്തുന്നു
08:00 AM: ഗുജറാത്ത് നിയമസഭ തെരഞ്ഞെടുപ്പ് വോട്ടെടുപ്പ് ആരംഭിച്ചു. രാവിലെ എട്ട് മുതൽ വൈകീട്ട് അഞ്ച് വരെയാണ് പോളിങ്.
07:40 AM: എല്ലാവരും വോട്ടവകാശം വിനിയോഗിക്കണമെന്ന ആഹ്വാനവുമായി പ്രധാനമന്ത്രി നരേന്ദ്ര മോദി.
07:10 AM: പോളിങ് ബൂത്തുകളിൽ മോക് പോളിങ് ആരംഭിച്ചു
06:55 AM: കോൺഗ്രസിനും ബിജെപിക്കും പുറമെ ആം ആദ്മിയും ഇത്തവണ മത്സരംഗത്ത് സജീവമാണ്. ഡൽഹി മുഖ്യമന്ത്രി അരവിന്ദ് കെജ്രിവാളിന്‍റെ നേതൃത്വത്തിലാണ് എഎപി പ്രചാരണം നടത്തിയത് ബിജെപിക്കായി പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ എന്നിവർ രംഗത്തിറങ്ങി. എഐസിസി അധ്യക്ഷൻ മല്ലികാർജുൻ ഖാർഗെ, രാഹുൽ ഗാന്ധി അടക്കമുള്ള പ്രമുഖർ കോൺഗ്രസിനായി കളത്തിലിറങ്ങി.
Also Read : ഗുജറാത്ത് നിയമസഭാ തെരഞ്ഞെടുപ്പ്: ആദ്യഘട്ട വോട്ടെടുപ്പ് ; സൗരാഷ്ട്രയും തെക്കൻ ഗുജറാത്തും പോളിങ് ബൂത്തിലേക്ക്
06:50 AM: 182 അംഗ ഗുജറാത്ത് നിയമസഭയിൽ കേവല ഭൂരിപക്ഷത്തിന് 92 സീറ്റുകളാണ് വേണ്ടത്. 2017 ൽ 99 സീറ്റുകൾ നേടിയാണ് ബിജെപി ഭരണം പിടിച്ചത്. നിലവിൽ ബിജെപിക്ക് 111 അംഗങ്ങളുണ്ട്.
06:45 AM: ആദ്യഘട്ട വോട്ടെടുപ്പിൽ 2,39,76,670 വോട്ടർമാരാണ് സമ്മതിദാനം വിനിയോഗിക്കുക. ഗ്രാമീണ മേഖലകളിൽ 16,416 ഉം, നഗരമേഖലകളിൽ 9,014 ഉം ഉൾപ്പെടെ 25,430 പോളിങ് ബൂത്തുകളാണ് ആദ്യഘട്ടത്തിൽ സജ്ജമാക്കിയിരിക്കുന്നത്. 1,06,963 ഉദ്യോഗസ്ഥരെയാണ് പോളിങ് നടപടികൾക്കായി വിന്യസിക്കുക. ഇതിൽ 79,985 പോളിങ് സ്റ്റാഫും 27,978 പ്രിസൈഡിങ് ഓഫീസർമാരും ഉൾപ്പെടുന്നു.