ന്യൂഡൽഹി: നിയമസഭ തെരഞ്ഞെടുപ്പുകളുടെ വോട്ടെണ്ണൽ ഗുജറാത്തിലും ഹിമാചൽ പ്രദേശിലും പുരോഗമിക്കുന്നു. ഹിമാചൽ പ്രദേശിൽ കേവല ഭൂരിപക്ഷം മറികടന്ന ബി ജെ പി ഗുജറാത്തിൽ ഇഞ്ചോടിഞ്ച് പോരാട്ടമാണ് നേരിടുന്നത്.
ഗുജറാത്തിൽ മുഖ്യമന്ത്രി വിജയ് രൂപാനിയുടെ മണ്ഡമായ രാജ്കോട് വെസ്റ്റിൽ ലീഡിങ് നില മാറി മറിയുകയാണ്. കോൺഗ്രസ് സ്ഥാനാർത്ഥി ഇന്ദ്രാണി രാജ് ഗുരു ആണ് ഇവിടെ മുഖ്യമന്ത്രിക്ക് കനത്ത വെല്ലുവിളി ഉയർത്തുന്നത്.
നിലവിൽ 98 സീറ്റുകളിൽ ബി ജെ പി മുന്നേറുമ്പോൾ 80 സീറ്റുകളിൽ കോൺഗ്രസ് ആണ് ലീഡ് ചെയ്യുന്നത്. ഹിമാചൽ പ്രദേശിൽ 39 സീറ്റുകളിൽ ബിജെപി മുന്നിട്ട് നിൽക്കുമ്പോൾ 25 ഇടത്ത് കോൺഗ്രസാണ് മുന്നിൽ. ഹിമാചൽ പ്രദേശിൽ ഒരു മണ്ഡലത്തിൽ സി പി എം മുന്നേറുന്നുണ്ട്.