അഹമ്മദാബാദ്: കുടിവെള്ള ക്ഷാമത്തെപ്പറ്റി പരാതി പറയാനെത്തിയ സ്ത്രീയെ ഗുജറാത്തിലെ എംഎൽഎ നിലത്തിട്ടു ചവിട്ടി. മറ്റു സ്ത്രീകള്ക്കൊപ്പം പ്രതിഷേധം അറിയിക്കാനെത്തിയപ്പോഴായിരുന്നു ഇവരെ നരോദ എംഎൽഎയായ ബൽറാം താവനി ക്രൂരമായി മര്ദ്ദിച്ചത്. എംഎൽഎയ്ക്ക് ഒപ്പമുണ്ടായിരുന്നവര് ഇവരെ മര്ദ്ദിക്കുന്നതിനിടയിലേയ്ക്ക് വന്ന് താവനി സ്ത്രീയെ റോഡിലിട്ട് ചവിട്ടുകയായിരുന്നു. സംഭവത്തിന്റെ വീഡിയോ വൈറലായതിനു പിന്നാലെ മാപ്പ് പറഞ്ഞ് എംഎൽഎ രംഗത്തത്തി. എന്നാൽ പിന്നാലെ താൻ സ്വയരക്ഷയ്ക്കാണ് യുവതിയെ ചവിട്ടിയതെന്ന വിശദീകരണവുമായി എംഎൽഎ രംഗത്തെത്തി. നിലത്തു കിടക്കുന്ന സ്ത്രീയെ താവനി നിലത്തിട്ട് ചവിട്ടുന്നതായാണ് വീഡിയോയിൽ കാണുന്നത്.
മര്ദ്ദനമേറ്റ യുവതി എൻസിപി പ്രവര്ത്തകയാണെന്നാണ് റിപ്പോര്ട്ടുകള്. എംഎൽഎയുടെ ആളുകള് തന്നെ ഹോക്കി സ്റ്റിക്ക് ഉള്പ്പെടെയുള്ള ആയുധങ്ങള് ഉപയോഗിച്ച് മര്ദ്ദിച്ചതായി യുവതി പറയുന്നു. എന്നാൽ വീഡിയോ ദൃശ്യങ്ങളടക്കം വൈറലായിട്ടും സംഭവത്തിൽ പരാതി ലഭിച്ചിട്ടില്ലെന്ന നിലപാടിലാണ് പോലീസ്. സംഭവത്തിൽ ഇതുവരെ ആരും പരാതി നല്കിയിട്ടില്ലെന്ന് സോൺ 4 ഡിസിപി നീരജ് ബാദ്ജുഗര് പറഞ്ഞു.
മര്ദ്ദനമേറ്റ യുവതി എൻസിപി പ്രവര്ത്തകയാണെന്നാണ് റിപ്പോര്ട്ടുകള്. എംഎൽഎയുടെ ആളുകള് തന്നെ ഹോക്കി സ്റ്റിക്ക് ഉള്പ്പെടെയുള്ള ആയുധങ്ങള് ഉപയോഗിച്ച് മര്ദ്ദിച്ചതായി യുവതി പറയുന്നു. എന്നാൽ വീഡിയോ ദൃശ്യങ്ങളടക്കം വൈറലായിട്ടും സംഭവത്തിൽ പരാതി ലഭിച്ചിട്ടില്ലെന്ന നിലപാടിലാണ് പോലീസ്. സംഭവത്തിൽ ഇതുവരെ ആരും പരാതി നല്കിയിട്ടില്ലെന്ന് സോൺ 4 ഡിസിപി നീരജ് ബാദ്ജുഗര് പറഞ്ഞു.