ഗുജറാത്ത് റവന്യൂ മന്ത്രിയുടെ സഹോദരൻ മരിച്ച നിലയിൽ

അഹമ്മദാബാദ്: ഗുജറാത്ത് റവന്യൂ മന്ത്രി കൗശിക് പട്ടേലിന്റെ സഹോദരനെ മരിച്ച നിലയിൽ കണ്ടെത്തി. ആത്മഹത്യ ചെയ്ത നിലയിലാണ് ഗൗതം പട്ടേലിനെ കണ്ടെത്തിയത്. ഞായറാഴ്ച രാവിലെ കിടപ്പുമുറിയിലാണ് അദ്ദേഹത്തെ തൂങ്ങിമരിച്ച നിലയിൽ കണ്ടെത്തിയത്. രാവിലെ കുടുംബാംഗങ്ങൾക്കൊപ്പം സംസാരിച്ചിരുന്ന ശേഷം കിടപ്പുമുറിയിലേക്ക് പോയ ഗൗതമിനെ മരിച്ച നിലയിൽ കണ്ടെത്തുകയായിരുന്നു.

Also Read: ആന്ധ്രയിൽ പുതിയ 10,820 രോഗികൾ; വിവിധ സംസ്ഥാനങ്ങളിലെ കൊവിഡ് വിവരങ്ങൾ

വീട്ടുകാർ ഒന്നാം നിലയിലെ മുറിയിലെത്തിയപ്പോഴാണ് ഗൗതം പട്ടേലിനെ തൂങ്ങി മരിച്ച നിലയിൽ കണ്ടെത്തിയത്. ആത്മഹത്യ ചെയ്യാനുള്ള കാരണം വ്യക്തമല്ലെന്ന് പോലീസ് പറഞ്ഞു. അദ്ദേഹത്തിന് മാനസിക പ്രയാസങ്ങളോ സാമ്പത്തിക പ്രശ്നങ്ങളോ ഉണ്ടായിരുന്നോയെന്ന് പരിശോധിക്കുന്നതായും അഹമ്മദാബാദ് എസ്പി വീരേന്ദ്രയാദവ് വ്യക്തമാക്കി.

Also Read: ഇന്ന് 1,211 പേർക്ക് കൊവിഡ്; സമ്പർക്കത്തിലൂടെ 1026 പേർക്ക് രോഗം

കൗശിക് പട്ടേലിന്റെ ഇളയ സഹോദരനാണ് ഗൗതം പട്ടേൽ. ആനന്ദ് ജില്ലയിൽ ഫാർമസ്യൂട്ടിക്കൽ കമ്പനി നടത്തുകയാണ് ഇദ്ദേഹം.

ആത്മഹത്യ ഒന്നിനും പരിഹാരമല്ല , നിങ്ങള്‍ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ ; ദിശ ഹെല്‍പ്പ്‍ലൈന്‍ - 1056 (ടോള്‍ ഫ്രീ)