വ്യാജ ഐ എസ് ഭീഷണിക്കത്തെഴുതിയ ശാസ്ത്രജ്ഞന്‍ അറസ്റ്റില്‍

അഹമ്മദാബാദ്: എല്ലാവരുടെയും ശ്രദ്ധയാകര്‍ഷിക്കുന്നതിനായി ഐഎസ് ഭീകരവാദികളുടെ ഭീഷണിക്കത്തെന്ന വ്യാജേന ഗൂഗിള്‍ ട്രാന്‍സിലേറ്റര്‍ ഉപയോഗിച്ച് അറബി കത്ത് തയ്യാറാക്കിയ ശാസ്ത്രജ്ഞന്‍ അറസ്റ്റില്‍. ഗുജറാത്ത് സ്വദേശിയായ മുകേഷ് ശുക്ലയാണ് (60) അറസ്റ്റിലായത്

മലേറിയയുടേയും എച്ച്‌ഐവിയുടേയും ചികിത്സയ്ക്കുപയോഗിക്കുന്ന മരുന്നിന്റെ രഹസ്യ ഫോര്‍മുല വേണമെന്ന് ആവശ്യപ്പെട്ട് ഭീകരര്‍ തനിക്ക് ഭീഷണി കത്തെഴുതിയെന്നാണ് ശുക്ല പോലീസിനോടു പറഞ്ഞിരിക്കുന്നത്. അറബി ഭാഷയിലുള്ള കത്തും അതിന്‍റെ ഇംഗ്ലീഷ് പരിഭാഷയും പോലീസ് ഇയാളുടെ ലാപ്ടോപ്പില്‍ നിന്നും കണ്ടെടുത്തു.

കഴിഞ്ഞ 28 വര്‍ഷമായി എച്ച് ഐവിയ്ക്കും മലേറിയക്കും മരുന്നു കണ്ടുപിടിക്കാനുളള പരിശ്രമത്തിലായിരുന്നു ശുക്ല. ഇത് വാര്‍ത്തകളിലൊന്നും ഇടം നേടാത്തതിനാല്‍ എല്ലാവരുടെയും ശ്രദ്ധയാകര്‍ഷിക്കാനാണ് ഐ എസ് കത്തെന്ന വ്യാജേന ഇയാള്‍ അറബിയില്‍ കത്തു തയ്യാറാക്കിയതെന്നു പോലീസ് പറഞ്ഞു.

Gujarat scientist used Google translator to forge ISIS threat letter in Arabic, caught

A Surendranagar-based scientist doctor, who is in his 60s, allegedly forged a threat letter in Arabic using Google translator and claimed it to be from ISIS, the Cyber Cell of Ahmedabad Detection of Crime Branch (DCB) has found after investigations.