​ഗുജറാത്തിൽ ബിജെപി നേട്ടമുണ്ടാക്കിയത് നഗരങ്ങളിൽ

അഹമ്മദാബാദ്: ഗുജറാത്തിൽ ആറാം തവണയും വിജയിച്ച് അധികാരം പിടിക്കുമ്പോൾ ബിജെപി കാര്യമായി നേട്ടമുണ്ടാക്കിയത് നഗരങ്ങളിൽ. മധ്യ തെക്കൻ ഗുജറാത്തിലാണ് ബിജെപി കാര്യമായ മുന്നേറ്റം നടത്തിയത്. അഹമ്മദാബാദ്, സൂറത്ത്, വഡോദര തുടങ്ങിയിവിടങ്ങളിൽ അവ‍ർ നല്ല മേൽക്കൈ നേടി.

ജിഎസ്‍ടിയും നോട്ട് നിരോധനവും അടക്കമുള്ള നരേന്ദ്ര മോദി സ‍ർക്കാരിൻെറ സാമ്പത്തിക പരിഷ്കാരങ്ങൾക്ക് ജനങ്ങളിൽ നിന്ന് ലഭിക്കുന്ന മികച്ച പിന്തുണയാണ് ഇത് സൂചിപ്പിക്കുന്നത്. എന്നാൽ പാട്ടിദാ‍ർ, ദളിത്, ഒബിസി വിഭാഗങ്ങളുടെ ശക്തി കേന്ദ്രങ്ങളായ ഗ്രാമ മേഖലകളിൽ കോൺഗ്രസ് നേട്ടമുണ്ടാക്കി.

വടക്കൻ ഗുജറാത്ത് ഒരിക്കലും കോൺഗ്രസിനെ കൈവിടാറില്ല. അത് ഇത്തവണയും അങ്ങിനെ തന്നെ ആവ‍ർത്തിച്ചു.