തിലകമണിയിച്ചതും പട്ടു പുതച്ചതും ഫോണിലൂടെ, വീഡിയോ കോള്‍ വഴി ഒരു വിവാഹ നിശ്ചയം

വധൂ വരന്മാര്‍ നേരിട്ട് കണ്ടുകൊണ്ട് തന്നെ വിവാഹ നിശ്ചയം നടത്തണമെന്ന് നിര്‍ബന്ധമൊന്നുമില്ലല്ലോ. മൊബൈല്‍ ഫോണ്‍ വഴി വേണമെങ്കിലും വിവാഹ നിശ്ചയം നടത്താം. അത്തരത്തിലൊരു വിവാഹം നടന്നിരിക്കുകയാണ്. ഒരു ഗുജറാത്തി കുടുംബത്തിലാണ് ഡിജിറ്റല്‍ മാധ്യമത്തിലൂടെ വിവാഹ നിശ്ചയ ചടങ്ങുകള്‍ നടത്തിയിരിക്കുന്നത്. സംഭവം അങ്ങു ക്ലിക്കായി, സമൂഹ മാധ്യമങ്ങള്‍ മുഴുവന്‍ ഈ വിവാഹ നിശ്ചയ വീഡിയോ നിറഞ്ഞിരിക്കുകയാണ്.

വീഡിയോ കാണാം :

രണ്ടു മൊബൈല്‍ ഫോണുകള്‍ ഓരോ മരപ്പലകകളില്‍. ഫോണിലെ സ്‌ക്രീനില്‍ യുവതിയുടെയും യുവാവിന്റെയും ദൃശ്യങ്ങള്‍. തിലകമണിയിക്കുന്നതും പട്ടു പുതയ്ക്കുന്നതുമായ ദൃശ്യങ്ങള്‍ ഫോണിലൂടെ കാണാം. അങ്ങനെ വീഡിയോ കോള്‍ വഴി നടന്ന വിവാഹ നിശ്ചയം പൂര്‍ത്തിയായി. യുവതിയെ തിലകമണിച്ചതില്‍ ഒരു പ്രത്യേകതയുണ്ട്. യുവതി പ്രത്യക്ഷപ്പെട്ട ഫോണിന്റെ സ്‌ക്രീനിലാണ് തിലകമണിയിച്ചത്.

യുവതിയ്ക്ക് പട്ടു പുതപ്പിച്ചതും വീഡിയോയിലൂടെ കാണാം. ഫോണില്‍ പ്രത്യക്ഷപ്പെട്ട യുവതിയുടെ തലയിലാണ് ദുപ്പട്ട പുതപ്പിക്കുന്നത്. 1.23 മിനിറ്റാണ് വിവാഹ നിശ്ചയ ചടങ്ങു സംബന്ധിച്ച വീഡിയോയുടെ ദൈര്‍ഘ്യം.